Wikipedia:Requisitos d'as imachens no libres

	Ista pachina amuestra uno u mes d'os prencipios fundamentals que definen a naturaleza d'a Biquipedia. Istes prencipios, comuns ta totas as wikipedias, son a priori immutables, intanchibles y no pas negociables. S'expresan en as normas y recomendacions adoptatas per a comunidat d'es contribuidors.
	Anque ye de tot posible modificar ista pachina, s'aconsella encareixitament d'emplegar a suya pachina de descusión u A Tabierna antes de fer garra intervención, per chicota que sía.

Esta pachina ye una guía per l'aplicación d'os requisits establius en a politica Wikipedia:Contenius no libres.

L'obchectivo alacetal d'a Biquipedia ye construyir una enciclopedia libre, de libre distribución y modificación, y d'uso ilimitau pa toz en cualsequier meyo. Per aconseguir este obchectivo en cheneral se repuya tot conteniu que no sía libre. Agora bien, per poder fer una enciclopedia de calidat, la Biquipedia en aragonés ha decidiu permitir en determinaus casos y con ciertas condicions bel material no libre necesario per las finalidaz educativas y d'exposición.

Parar cuenta que atros prochectos Wikimedia pueden tener restriccions y requisitos diferents respecto a lo material no libre, mesmo pueden no acceptar-lo en absoluto. D'a mesma forma, un material no libre d'unatra Wikipedia, puede estar no acceptable en la Biquipedia en aragonés. Veyer meta:Fair use per conoixer la situación en atros prochectos.

Tot material con dreitos d'autor que no tienga una licencia libre como la GFDL se puet utilizar en a Biquipedia en aragonés con l'argumento de uso lechitimo si cumple los requisits presentaus contino. Estes requisits están basaus en os cuatro factors definius en a lei de dreitos d'autor d'os EUA per poder alegar l'uso lechitimo, en l'obchectivo de crear una enciclopedia libre y en o deseyo d'evitar problemas legals innecesarios.

Tot fichero no libre utilizau en la Biquipedia en aragonés ha de complir toz los requisits siguients:

1. La pachina de descripción d'o fichero ha d'incluyir necesariament:
   • Atribución adecuada de l'orichen d'o fichero, y atribución adecuada d'o posseïdor d'os dreitos d'autor, si son diferents. No vale decir que proviene d'unatra Wikipedia ya que no se trata d'un fichero libre y no se puede atribuyir a unatro usuario.
   • Una plantilla de licencia adecuada que indique chus cuáls termins s'está chustificando lo suyo uso.
   • Una chustificación d'exención d'imáchens no libres per cada articlo án se pueda usar.
2. No existe dengún material libre equivalent, disponible u con posibilidat de crear-lo. Per eixemplo, un mapa u un diagrama se pueden dibuixar de nuevo prenendo como muestra la fuent orichinal, agora bien, una simpla modificación ye una obra derivada que mantiene lo dreitos d'autor orichinals. Una fotografía u un archivo de son cheneralment no se pueden transformar en archivos libres, pero si lo subchecto d'a fotografía encara existe, un puet fer una nueva fotografía libre. Tot material no libre será substituyiu per cualsequier alternativa libre que se pueda trobar.
3. L'uso d'o material con dreitos d'autor no puet perchudicar los intereses comercials y no puede substituyir ni distorsionar lo papel que corresponde en lo mercau. L'uso d'una gran cantidat de material d'una mesma fuent puet perchudicar los suyos intereses, sían comercials u no. Lo fichero ha d'estar una copia en baixa resolución de l'orichinal per evitar l'uso fraudulento.
4. Sobre un mesmo tema, la cantidat de material utilizau ye limitau a lo estrictament necesario. Si una imachen ya fa lo servicio adecuau, la resta d'imáchens d'uso lechitimo se pueden considerar inchustificadas.
5. Lo material ha estau previament publicau y ampliament difundiu. No puet estar un treballo inedito ni nuevo.
6. Lo material tiene intrés enciclopedico, cumple los requisitos d'admisibilidat d'a Biquipedia y cumple los requisitos de la politica d'imáchens.
7. Lo material s'usa como minimo en un articlo. L'uso lechitimo viene determinau per l'uso que se'n faiga. La inclusión en os articlos s'ha de fer de forma flexible que no condicione lo formato ni la presentación. En caso de redistribución d'o conteniu d'a Biquipedia ha d'estar posible suprimir las imáchens no libres sin que se veiga afectau l'articlo.
8. Lo material contribuye significativament a amillorar l'articlo y no tien lo simple proposito decorativo. Per eixemplo, puede servir pa identificar lo subchecto de l'articlo, u per ilustrar los puntos relevants explicavos a lo texto.
9. Las imáchens d'uso lechitimo s'usan exclusivament en articlos. L'uso en atros espacios de nombres no ye cubierto per la doctrina inherent a l'uso lechitimo.
10. No se pueden utilizar en garra plantilla ya que lo suyo proposito ye incluyir-las en cuantos sitios.
11. No se pueden utilizar en pachinas d'usuario ya que serían purament decorativas.
12. No se pueden utilizar en portals ya que dificilment se puede chustificar que contribuyen significativament a amillorar y que no existe garra alternativa libre.
13. En as pachinas de discusión se pueden enlazar pero no incluyir-las. Utilizar l'enlaz con dos puntos debant, p. eix., [[:Imachen:Wiki.png]], que produz Imachen:Wiki.png.