Vivian Louise Aunspaugh
| Vivian Louise Aunspaugh | |
|---|---|
| Tavalludi |
14-avgust 1869-yil |
| Vafoti |
9-mart 1960-yil (90 yoshda) Dallas, Texas |
| Fuqaroligi | AQSh |
| Taʼlimi | Shorter universiteti |
| Kasbi | Rassom |
Vivian Louise Aunspaugh (1869-yil 14-avgust, Bedford — 1960-yil 9-martda Dallas, Texas) — amerikalik rassom va sanʼat oʻqituvchisi, Amerikaning janubi-gʻarbiy qismida birinchi sanʼat maktabiga asos solgan.
Hayotining dastlabki yillari
[tahrir | manbasini tahrirlash]Aunspaugh 1869-yil 14-avgustda Virjiniya shtatining Bedford shahrida John Henry Aunspaugh va Virginia Fields Aunspaugh oilasida tugʻilgan. Aunspaughning otasi paxta sotib oluvchi edi va oila bolaligida janubdagi turli joylarga Virjiniya, Alabama, Janubiy Karolina va Jorjiyaga boradi. Oʻn olti yoshida Aunspaugh Shorter kollejini (Rim, Jorjiya) tugatganida Excelsior Art medali bilan taqdirlangan. U keyinchalik Ayollar kollejida (Alabama, Union Springs) dars berishni boshladi[1].
Keyingi yili u oʻqishni davom ettirdi. Keyingi besh yil davomida u Nyu-Yorkda Jhon Henry Twachtmandan Nyu-Yorkd Sanʼat talabalari ligasida va Parijda Alphonse Muchadan Kolarossi akademiyasida tahsil oldi[2].
Faoliyati
[tahrir | manbasini tahrirlash]1890-yilda Amerikaga qaytib, u keyingi oʻn yil davomida turli maktab va kollejlarda, jumladan Texasdagi MakKinni kollejida, Greenville davlat maktablarida hamda Missisipidagi Mason ayollar kollejida sanʼatdan dars berdi. Dallasda u Patton ayollar seminariyasi va Sent-Mary kollejida dars bergan. 1900-yilda uning ishi Parijdagi Universelle koʻrgazmasida namoyish etilgan va u oltin medal bilan taqdirlangan. Rassom sifatida Aunspaugh odatda pastel va akvarellarda ishlagan va landshaftlar, gullar, figuralar, portretlar va miniatyuralar yaratgan.
Aunspaugh 1898-yilda Dallasda haykaltarosh Clyde Giltner Chandler bilan sanʼatdan dars bergan[3][4]. Ular birgalikda sanʼat maktabiga asos solgan. Chandler 1903-yilda Chikagoda oʻqish uchun Texasni tark etdi va Aunspaugh maktabni oʻzi boshqarishda davom etdi. Maktab dastlab Dallas shahar markazida Dreyfuss binosida, keyin esa Bryan Street 3509 da joylashgan. U onasi Virginia va singlisi Florence bilan maktabidan bir blok uzoqlikdagi Brayan koʻchasida yashagan.
Aunspaugh birinchi marta 1904-yilda chiqarilgan Dixieland jurnalining badiiy muharriri edi. Oʻsha paytda Texas sanʼat hamjamiyati endigina rivojlanayotgan edi. Fort Worth sanʼat assotsiatsiyasining birinchi yillik koʻrgazmasi 1910-yilda boʻlib oʻtdi. 1912-yildan 1932-yilgacha u Dallas ayollar forumining yillik sanʼat koʻrgazmalarini oʻtkazdi, bu kolleksionerlarni Texas rassomlari bilan tanishtirishda katta taʼsir koʻrsatdi.
Aunspaugh va uning shogirdlari 1945-yilda Vivian L.Aunspaugh sanʼat klubini tuzdilar. Klub oʻzining birinchi koʻrgazmasini 1946-yilda oʻtkazdi. 1956-yilda klub aʼzolari ijodi Dallas tasviriy sanʼat muzeyida namoyish etildi. Klub 1986-yilda oʻz faoliyatini toʻxtatdi[5].
Manbalar
[tahrir | manbasini tahrirlash]- ↑ Diana Church, Aunspaugh, Vivian Louise. Handbook of Texas Online. Texas State Historical Association. June 9, 2010. Retrieved February 20, 2014.
- ↑ Nancy Hopkins Reily. Georgia O'Keeffe, a Private Friendship: Walking the Sun Prairie land. Sunstone Press; August 2007; ISBN 978-0-86534-451-8. p. 144.
- ↑ Rounded Up in Glory: Frank Reaugh, Texas Renaissance Man, Michael Grauer, Denton, TX: University of North Texas Press, 2006, p. 127
- ↑ Francine Carraro. Jerry Bywaters: A Life in Art. University of Texas Press; July 22, 2010; ISBN 978-0-292-78994-4. p. 10.
- ↑ "Lone Star Still Lifes". Tfaoi.com (2009-06-14). Retrieved February 22, 2014.
Qoʻshimcha oʻqish uchun
[tahrir | manbasini tahrirlash]- Fisk, History of Texas Artists and Sculptors, p. 58-59.
- Who's Who of the Womanhood of Texas, p. 183
- Davis and Grobe, Encyclopedia of Texas, II, p. 749.