Operon lac

L'Operon lac qu'ei un operon (lo purmèr estudiat istoricament) descobèrt en çò deu bactèri Escherichia coli qui còda e qui regula la sintèsi de tres enzims implicats dens lo metabolisme de la lactòsa. Aqueste operon qu'ei regulat, enter autas causas, per la concentracion en glucòsa e en lactòsa.

Estructura de l'operon lac e lo son foncionament en abséncia de lactòsa : lo gèn repressor que sintetiza la molecula Lac I qui empacha l'ARN polimerasa de's hicar sus l'operator de de transcríver los tres gèns estructuraus de l'operon

L'operon lac qu'ei compausat de :

• 3 gèns estructuraus : lac z (qui còda per la sintèsi de la β-galactosidasa), lac y (qui còda per la sintèsi de la galactósido permeasa) e lac a (qui còda per la sintèsi de la tiogalactósido transferasa).
• Lo gèn promotor.
• Lo gèn operator.
• Lo gèn repressor qui còda per la proteïna Lac I qui's fixa sus l'operator en bèth empachar l'ARN polimerasa de s'i hicar.