L. Sprague de Camp

L. Sprague de Camp

Biografía
Nacemento	(en) Lyon Sprague de Camp 27 de novembro de 1907 Nova York, Estados Unidos de América
Morte	6 de novembro de 2000 (92 anos) Plano, Estados Unidos de América (pt)
Lugar de sepultura	Cemiterio Nacional de Arlington
Residencia	Nova York
Educación	Instituto Tecnolóxico de California Stevens Institute of Technology (en)
Actividade
Ocupación	escritor, ensaísta, crítico literario, escritor de ciencia ficción, historiador, oficial, novelista, xornalista
Período de actividade	1937 -
Xénero artístico	Ficción especulativa
Pseudónimo literario	J. Wellington Wells Lymen R. Lyon J. Wellington
Carreira militar
Rama militar	Armada dos Estados Unidos de América
Rango militar	lieutenant commander (en)
Familia
Cónxuxe	Catherine Crook de Camp
Nai	Emma Beatrice de Camp
Premios
(1998)  Pilgrim Award (en) (1997)  Premio Hugo á mellor obra de non ficción, premiado polo traballo Time and Chance: an Autobiography (en) (1984)  World Fantasy Award for Life Achievement (en) (1979)  Damon Knight Memorial Grand Master Award (en) (1958)  Athenaeum Literary Award (en) , premiado polo traballo An Elephant for Aristotle (en) (1953)  International Fantasy Award (en)  Fellow of the Committee for Skeptical Inquiry

Lyon Sprague de Camp, nado en Nova York o 27 de novembro de 1907, e finado en Plano, Texas o 6 de novembro de 2000, foi un escritor estadounidense de ciencia ficción, terror e fantasía. É coñecido sobre todo polas súas historias sobre o personaxe de Conan o Bárbaro.

Traxectoria

Robert A. Heinlein, L. Sprague de Camp e Isaac Asimov, nunha base da Armada dos Estados Unidos, 1944.

Formado como enxeñeiro aeronáutico, De Camp graduouse como Bachelor of Science en Enxeñaría aeronáutica no Instituto de Tecnoloxía de California en 1930 e obtivo un título de mestrado de ciencias en Enxeñaría do Instituto Stevens de Tecnoloxía en 1933.

Casou con Catherine Crook en 1940, con quen colaborou en numerosas obras de ficción e non ficción, comezando nos anos 1960.

Durante a segunda guerra mundial, de Camp traballou no centro naval de Filadelfia con autores como Isaac Asimov e Robert A. Heinlein. Alcanzou o grao de Tenente comandante na reserva naval.

Era membro dun club literario exclusivamente masculino, o Trap Door Spiders, que serviu de base para o grupo de ficción de Isaac Asimov que resolvía misterios: os Black Widowers. O propio De Camp foi o modelo para a personaxe de Geoffrey Avalon.

Foi tamén membro do Swordsmen and Sorcerers' Guild of America (SAGA), un grupo de autores de fantasía heroica fundada nos anos 1960, algúns de cuxos traballos se reuniron na antoloxía de Lin Carter titulada Flashing Swords!.

L. Sprague de Camp e Catherine Crook de Camp.

Os de Camp trasladáronse a Plano, Texas en 1999, onde De Camp morreu sete meses despois da morte da que fora a súa esposa durante 60 anos, Catherine Crook de Camp. Morreu no que sería o aniversario dela, a só tres semanas do seu propio 93.º aniversario. Foi incinerado e as súas cinzas reunidas nunha urna xunto ás da súa esposa no cemiterio de Arlington.

A biblioteca persoal de De Camp, duns 1.200 libros, foi adquirida mediante poxa por Half Price Books en 2005. A colección incluía libros de escritores como Isaac Asimov e Carl Sagan, así como do propio de Camp.

Véxase tamén

Ligazóns externas

• sprague de camp: The Fan Site
• Yahoo Discussion Group for de Camp fans Arquivado 10 de febreiro de 2013 en Archive.is
• A Gun for Dinosaur on X Minus One, NBC radio, 1956