Kevermes

Kevermes (kevermeŝ) estas grandvilaĝo en Hungario en Hungario, en regiono Suda Ebenaĵo, en departemento Békés, en subregiono Mezőkovácsháza. La nomo ne havas sencon en la hungara.

Bazaj informoj

• Areo: 43 km²
• Loĝantaro: 2400
• Poŝtkodo: 5744
• Telefonprefikso: 68

Geografio

Kevermes situas sur ebenaĵo, laŭ la hungara-rumana ŝtatlimo, for de ĉefvojo kaj rivero. Battonya estas proksime, fervojo troviĝas ĉe Lökösháza.

Historio

La iama vilaĝo senhomiĝis pro la kontraŭturkaj bataloj. Ĝi refondiĝis en 1815. En 1848 katolika preĝejo omaĝe al Naskiĝo de Maria konstruiĝis. En 1919 la rumanoj okupis la setlejon, en 1920 ĝi trovis sin preter la nova ŝtatlimo sen trapasejo. Oni disdonis parcelojn al la malriĉaj kamparanoj en 1945 el la grandbieno. Kolĥozo formiĝis en 1960. Apud la grandvilaĝo 3 fiŝkaptistaj lagoj funkcias.

Vidindaĵoj

• Preĝejo Naskiĝo de Maria (Kevermes)

Ĝemelurboj

Macea, Rumanio