Dobrudsjaplatået

Dobrudsjafjella

Dobrudsjaplatået (rumensk Podişul Dobrogei) er eit platå aust i Romania i regionen Dobrudsja. Det grensar til Donau i nord og vest, og til Donaudeltaet og Svartehavet i aust.

Middelhøgda til platået er rundt 200-300 meter over havet. Den nordlege delen er det høgaste området av platået og det høgaste punktet er Ţuţuiatu/Greci i Măcinfjella med ei høgd på 467 moh.

Klimaet er noko varmare og tørrare enn resten av Romania og derfor finn ein fleire planter frå Middelhavsområdet her.

Elvane Casimcea og Taiţa renn over platået frå vest til aust. Det er fleire innsjøar og nokre lagunar og dei viktigaste av desse er Oltina, Bugeac, Mangaliasjøen, Techirghiolsjøen, Siutghiol, Tasaul og Razim.

Inndeling

Platået er vidare delt inn i

• Măcinfjella
• Casimceaplatået
• Tulceaåsane
• Medgidiaplatået
• Negru Vodă-platået
• Oltinaplatået
• Istriaplatået

Kjelder

• Denne artikkelen bygger på «Dobrogea Plateau» frå Wikipedia på engelsk, den 7. juli 2008.