Boletus satanas

Boletus satanas ( Boleti i Satanit )

Kapelja

Gjysmë sferike, pastaj konvekse, me trup të madh (10-30 cm), e trashë dhe kompakte, e bardhë-gri që shkon drejt ngjyrës së verdhë.

Gypat

Të verdhë ose të verdhë-gjelbër.

Poret

Të imët, të verdhë, pastaj bëhen të kuq, bëhen blu të gjelbër po të preken.

Këmba

E shkurtër, vezake e fryrë, e verdhë, më shpesh e kuqe në pjesën e mesme, e zbukuruar me një rrjetë të imët të kuqe.

Tuli

Sfungjeror me ngjyrë të verdhë krem, që bëhet blu menjëherë në ajër, shije të ëmbël, pastaj të hidhur.

Sporet

Me ngjyrë gjelbëroshe në masë.

Vendrritja

Në vende të thata të djellëzuara të pyjeve me fletorë, dushqe e ahe, në toka gëlqerore sidomos nën lirishte e shqopishte. Gjendet në terrene gëlqerore.

Periudha

Në verë, i rrallë.

Vlera

Helmues por jo i rrezikshëm, provokon shqetësime gastro-intestinale për disa ditë.

Shënim

Kjo specie shpesh ngatërrohet me lloje të tjera të grupit si B. luridus, por B. satanas është një kërpudhë që dallohet me lehtësi nga kapelja e zbehtë, e bardhme ose pak gjelbëroshe dhe nga tuli i bardhëm. Tek speciet e afërta tuli është i verdhë.