Augustus

Agustus (23 September 63 SM – 19 Agustus 14 M), embas antuk wasta Gaius Oktavius ​​Turinus, salanturnyané Gaius Julius Kaisar Oktavianus sesampun kaadopsi, inggih punika sang sané ngadegang Kakaisaran Romawi lan kaisarnyané sané kapertama, sané mrentah saking warsa 27 SM ngantos sedannyane ring warsa 14 M Agustus inggih punika keponakan Julius Caesar sane salanturnyané kaambil dados putra angkatnyané. Sasampun Julius Caesar kapademang ring warsa 44 SM, Agustus dados anggota Triumvirat Kaping Kalih sareng Markus Antonius lan Markus Aemilius Lepidus, sané matetujon mangda prasida ngamecikang Républik Romawi, sané sampun wénten ring krisis. Nanging, aliansi punika digelis runtuh, miwah Augustus ngadepin Mark Antony ring Patempuran Aktium ring warsa 31 SM, sané pamuputnyané Augustus jayanti. Antuk kakaonang Antony miwah Kléopatra, Agustus dados panglingsir tunggal ring Roma, muputang masa yuda semeton sané sampun sué.