Alfredo Haz Garrido
| Biografía | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 30 de setembro de 1962  (62 anos)Malpica de Bergantiños, España | ||||||||||||||||||||||||||||||||||||||
| Actividade | |||||||||||||||||||||||||||||||||||||||
| Ocupación | futbolista, profesor de ensino secundario | ||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||
| |||||||||||||||||||||||||||||||||||||||
José Alfredo Haz Garrido, nado en Malpica de Bergantiños o 30 de setembro de 1962, é un exfutbolista e mestre galego. Xogaba de centrocampista.
Traxectoria
[editar | editar a fonte]Como xogador
[editar | editar a fonte]Naceu en Malpica de Bergantiños e aos 7 anos de idade foi para A Coruña, ingresando como internado no Colexio de Santa Margarida, onde comezou a xogar ao fútbol no patio.[1] Aos 11 anos entrou no equipo alevín do Ural e ao seguinte nos infantís do Deportivo da Coruña. Estivo cinco tempadas nas categorías inferiores do club branquiazul, sendo cedido nunha delas ao Malpica e outra ao Club Torre.[1] En 1979 pasou ao Fabril.
Na tempada 1980/81 debutou co Deportivo da Coruña en Segunda B. Con todo, o adestrador José Martínez Palomar só o utilizaba pola obriga de aliñar polo menos dous xogadores sub-20, co que xogou só un partido completo durante a tempada, volvendo logo ao Fabril. Máis tarde foi xogador do primeiro equipo branquiazul entre as tempadas 1985/86 e 1987/88, pero relegado á suplencia, xogando só 21 encontros oficiais en tres anos. Despois xogou cinco tempadas no Endesa As Pontes en segunda B.
Selección española
[editar | editar a fonte]Xogou na selección española xuvenil, onde foi titular.[1][2]
Tras a retirada
[editar | editar a fonte]Despois de deixar o fútbol pasou a dar clases de Educación Física no IES Eusebio da Guarda.
Notas
[editar | editar a fonte]- ↑ 1,0 1,1 1,2 Castelo, Manuel (24 de febreiro de 1980). "Alfredo: Titular indiscutible de laselección nacional juvenil". La Voz de Galicia (en castelán). p. 66.
- ↑ "Una oportunidad perdida". La Opinión A Coruña (en castelán). 18 de setembro de 2020. Consultado o 12 de febreiro de 2021.
