行為樹

一樖行為樹畫做樹狀圖嘅樣；每個問號都係一個決策點，黃色圓形表示回輸，而每一個有字嘅綠色格仔都代表一個可能採取嘅行動。

行為樹（粵拼：hang4 wai4 syu6）係人工智能上嘅一種做法。一樖行為樹可以想像成一幅樹狀圖，一樖行為樹會有若干個決策點，喺每個決策點，個人工智能都會按某啲條件決定係咪要進入其中一個可能狀態，定係要去下一個決策點。簡例：想像一個用嚟控制 NPC 嘅電子遊戲嘅人工智能先睇吓周圍有冇危險（決策點 A），如果冇就進入巡邏狀態（狀態），如果有就去下一個決策點 B，決策點 B 係按敵人位置決定要防守（狀態）定進攻（狀態）^[1]。