ჸვალმინთა (ლათ. Mentha) — მიარეწანიანი ოდიარე ჩანარიშ გვარი ლეჩქვამეფიშ ფანიაშე. 50-100 სმ სიმაღალაშ ჯინჯამი ჩანარი რე. ჸვალმინთას აწმარენჯო დვალირი ფურცელეფი დო გჷნაფალეფიშ წვანდის დუდელეშობურ ბილბლას აკოშაყარელი მოვარდიშფერე-იაშფერი პიოლეფი უღუ. ჸვალმინთაშ გვარი დიდარი რე გვარობეფით. საქორთუოს ტყარო ჩანს ხვალე 4 გვარობა: ომბალე (Mentha pulegium), დოლოშ ჸვალმინთა (Mentha arvenis), წყარიშ ჸვალმინთა (Mentha aquatica), ტყაშ ჸვალმინთა (Mentha longifolia). ჸვალმინთა ირდუ გვალაშ გიმენი დო შქა ორტყაფუშ ლამე დოლოეფს, ტყაშ პიჯეფს, ბართვონას, წყარმალუეფიშ წყარპიჯეფს დო შხვა აბანეფს. ჸვალმინთა ვეგეტატიურო იმიარიებუ.