चिंदित ब्रिगेड

चिंदित ब्रिगेड तथा लॉंग रेंज पेनेट्रेशन ग्रुप्स ही ब्रिटिश आणि ब्रिटिश भारतीय सैन्याच्या विशिष्ट तुकड्यांना दिले गेलेले नाव होते. १९४३-४४मध्ये दुसऱ्या महायुद्धादरम्यान या सैन्यबलाने म्यानमारमध्ये लढाईत भाग घेतला होता. या शत्रूप्रदेशात दूरवरच्या धडकमोहीमा करणाऱ्या तुकड्या होत्या.

याची रचना ब्रिटिश आर्मीच्या ब्रिगेडियर ओर्ड चार्ल्स विनगेटने केली होती. घनदाट जंगलातून आणि प्रतिकूल हवामानातून दूरवर कूच करताना या तुकड्यांना शत्रूबरोबरच मलेरिया आणि हगवणीसारख्या अनेक रोगांचाही सामना करावा लागला व त्यात या तुकड्यांचे मोठे नुकसान झाले.