Шэльда
Перайсьці да навігацыі
Перайсьці да пошуку
| Шэльда | |
Escaut, Schelde | |
 Шэльда ля Антвэрпэну | |
| Агульныя зьвесткі | |
|---|---|
| Выток | Gouy, Пікардыя, Паўночная Францыя |
| Вусьце | Паўночнае мора |
| Вышыня вусьця | 95 м |
| Краіны басэйну | Францыя, Бэльгія, Нідэрлянды |
| Даўжыня | 430 км |
| Сярэднегадавы сьцёк | 120 м³/с |
| Плошча басэйну | 35,5 тыс. км² |
Шэльда, або Эско (па-нідэрляндзку: Schelde, па-француску: Escaut, па-валёнску: Escô, па-лацінску: Scaldis) — рака ў Францыі, Бэльгіі ды Нідэрляндах. Даўжыня — 430 км, плошча басэйну — 35,5 тыс. км².
Агульныя зьвесткі
[рэдагаваць | рэдагаваць крыніцу]Рака складаецца з трох частак:
- Верхняя Шэльда — частка ракі ад вытоку да места Гент, дзе яна цячэ разам з ракой Лее (блізу 185 км)
- Марская Шэльда — ад Генту да мяжы зь Нідэрляндамі
- Заходняя Шэльда, якая празь нідэрляндзкае места Флісінген упадае ў Паўночнае мора.
Марская Шэльда і Заходняя Шэльда ўтвараюць эстуарый, на якім можна бачыць прылівы ды адлівы. Шэльда злучана каналамі з Маасам, Сэнай ды Сомай. Даўжыня суднаходнага ўчастку — 340 км.
Першую назву ракі — Scaldis — можна знайсьці ў старажытнарымскіх тэкстах I стагодзьдзя н. э. Другое імя — Scala. На ангельскай мапе за 1797 рок рака ўжо называецца як Scheldt.
Вонкавыя спасылкі
[рэдагаваць | рэдагаваць крыніцу]- Шэльда Інфацэнтар (нід.)