Могилёвский голос (1918)
| «Могилёвский голос» | |
|---|---|
 | |
| Тып | газета |
| Заснавана | 13 сакавіка 1918 |
| Спыненне публікацый | 10 красавіка 1918 |
| Мова | руская |
| Галоўны офіс | |
 Медыяфайлы на Вікісховішчы | |
«Могилевский голос» — грамадска-палітычная і літаратурная газета. Выдавалася з 13 сакавіка да 10 красавіка 1918 г. у Магілёве на рускай мове. Рэдактар-выдавец І. Міркін (Мірскі-Ісаеў). У праграмным і рэдакцыйным артыкуле абвясціла сябе беспартыйнай, ставіла задачу інфармаваць жыхароў горада пра падзеі мясцовага жыцця, асвятляць з’явы і факты, якія з’яўляюцца «каштоўным укладам у летапіс горада Магілёва». Выходзіла ва ўмовах акупацыі горада германскімі войскамі і польскім корпусам І. Р. Доўбар-Мусніцкага.
Друкавала справаздачы пра пасяджэнні Магілёўскай гарадской думы, Магілёўскай губернскай земскай управы, пра Усерасійскі з’езд Саветаў, даклад пра Брэсцкі дагавор. Апублікавала артыкул Дрыгавіча «Беларуская Народная Рэспубліка» (1 красавіка). Пісала пра падзеі ў Петраградзе, Мінску, Гомелі, Смаленску, Бабруйску. Апошні вядомы № 19 выйшаў 10 красавіка 1918 г.
Літаратура
[правіць | правіць зыходнік]- Кныш, С. «Могилевский голос» / Святлана Кныш // Энцыклапедыя гісторыі Беларусі. Т. 5. — С. 220
Спасылкі
[правіць | правіць зыходнік]
На Вікісховішчы ёсць медыяфайлы па тэме Могилёвский голос (1918)