Ўільям Гоўт

Ўільям Гоўт William Goate
12 студзеня 1836 — 24 кастрычніка 1901
Месца нараджэньня	Фрытан, Норфалк
Месца сьмерці	Саўтсі, Портсмут
Прыналежнасьць	Вялікабрытанія
Званьне	капрал
Частка	9-ы Каралеўскі ўланскі полк Яе Вялікасьці
Бітвы/войны	Індыйскае народнае паўстаньне 1857—1859
Узнагароды	Крыж Вікторыі

Ўільям Гоўт (па-ангельску: William Goate; 12 студзеня 1836 — 24 кастрычніка 1901) — ангельскі вайсковец, уладальнік крыжа Вікторыі, найвялікшай і найпрэстыжнейшай узнагароды войскаў Вялікабрытаніі і Садружнасьці нацыяў.

Акалічнасьці

У часе Індыйскага народнага паўстаньня 1857—1859 гадоў Гоўт быў ува ўзросьце 22 гадоў у чыне малодшага капрала 9-га Каралеўскага ўланскага палку. 6 сакавіка 1858 году каля гораду Лакнаў (Утар-Прадэш, Індыя) праявіў надзвычайную мужнасьць, за якую быў узнагароджаны крыжом Вікторыі:

За надзвычайную мужнасьць каля Лакнаву, 6 сакавіка 1858, сьпешыўшыся ў прысутнасьці некалькіх прадстаўнікоў варожага боку і падняўшы цела маёра Сьміта, 2-й драгунскай гвардыі, якое ён спрабаваў адцягнуць ад поля бою, і будучы вымушаным пакінуць яго ў атачэньні варожае кавалерыі, ён адправіўся у другі раз пад цяжкім агнём ворага, каб вярнуць цела. Данясеньне генэрал-маёра сэра Джэймза Гоўпа Гранта, 8 красавіка 1858. Арыгінальны тэкст  (анг.) For conspicuous gallantry at Lucknow, on the 6th of March, 1858, in having dismounted, in the presence of a number of the enemy, and taken up the body of Major Smyth, 2nd Dragoon Guards, which he attempted to bring off the field, and after being obliged to relinquish it, being surrounded by the enemy's cavalry, he went a second time under a heavy fire to recover the body. Despatch from Major-General Sir James Hope Grant, K.C.B., dated 8th April, 1858 — London Gazette: no. 22212, p. 5512, 24 December 1858.

Пазьней атрымаў званьне капрала.

Далейшае жыцьцё

Гоўт пераехаў у Саўтсі ў траўні 1900 году. Памёр ува ўзросьце 64 гадоў ад раку на Леапольд-Стрыт, Саўтсі.

Гоўт быў пахаваны на могліках Гайланд Роўд. Мэмарыяльны камень быў узьведзены ў кастрычніку 2003 году.

Ягоны крыж Вікторыі дэманструецца ў палкавым музэі 9-га/12-га палкоў каралеўскіх уланаў у Музэі і мастацкай галерэі Дэрбі.

Вонкавыя спасылкі

• Location of grave and VC medal  (анг.)