WZ-551

WZ-551
Краіна паходжання	Кітай
Вытворца	China North Industries Group Corporation Limited[d]
Дата прыняцця ў эксплуатацыю	1995
Медыяфайлы на Вікісховішчы

WZ-551 — сямейства кітайскіх колавых баявых машын пяхоты. Ахоплівае два сямейства машын з афіцыйнымі абазначэннямі ў Народна-вызваленчай арміі Кітая — Тып 90 і Тып 92. Выраблена кампаніяй Norinco.

Гісторыя

Распрацоўка пачалася ў 1979 годзе. WZ-551 стаў першай колавай баявой машынай пяхоты, распрацаванай Кітаем. Бранявік створаны на базе імпартнага грузавіка Mercedes-Benz 2060.

У 1986 годзе два прататыпа былі адпраўлены ў паўночныя правінцыі і на поўдзень вострава Хайнань для выпрабаванняў у халодным і гарачым надвор’і.

Пасля WZ-551 быў сертыфікаваны як ZSL-90 або баявая машына пяхоты Type 90. У 1994 годзе ў войскі паступілі перепрацаваныя мадэлі пад пазначэннем ZSL-92 або Type 92.

Машыны экспартаваліся ў Алжыр, Боснію, Шры-Ланку, Непал, Пакістан, Сенегал і іншыя краіны.

Апісанне

Шасі WZ-551 вонкава падобна на французскія VAB, аднак яны маюць іншую ўнутраную кампаноўку.

Корпус сабраны з суцэльназварных сталёвых лістоў. Салон падзелены на тры адсекі сталёвымі лістамі. Спераду сядзяць кіроўца і камандзір, пасярэдзіне — рухавік, ззаду — пасажырскі адсек. Экіпаж складаецца з 3 чалавек. БМП здольная перавозіць да 9 пасажыраў. Аўтамабільная платформа — мадыфікаваны грузавік Tiema XC2030 6×6 кітайскай вытворчасці, які з’яўляецца ліцэнзійнай версіяй паўнапрываднага грузавіка Mercedes-Benz 2026.

Абсталяваны 25-мм гарматай ZPT-90 гарматы і спараным кулямётам калібра 7,62-мм Type 86.

Сямейства WZ-551 абсталявана 8-цыліндравым дызельным рухавіком Deutz BF8L413F з турбанаддувам і паветраным астуджэннем у 320 к. с., а таксама механічнай каробкай перадач ZF 5S-lllGPA. Максімальная хуткасць — 90 км/г.