Gozaldo

Gosalt al è an comun de 885 abitanti de la provincia de Bełun. Al capoluogo al è Don (1141 m slm).

Storia

Al paess al è stat ciapà in maniera seria da la aluvion de 'l 4 novenber 1966, quando che 'l fea pi de domili abitanti. La aluvion la à menà via fražion intiere, le vie de comunicažion le è state serade e qualcheduna la è stata messa a posto dopo trenta ani. Al paess tant par la posižion descomeda che par sti fati al à subì an calo de popolažion.

Fražion

Tiser

A 940 m slm. Al paess al è te la alta Val de 'l Mis, a redoss de 'l Parco Nažional Dolomiti Belunesi. La parochia de Tiser, dedicada a San Bartolomeo, la nass inte la prima metà de 'l 1600 e lora la contea 1000 abitanti. La economia de 'l posto in prenžipio la era ligada a le miniere de cinabro (miniera de Vallalta) e de la vesina miniera de calcopirite de la Val Inperina. Žerti segn de ricerche minerarie i è de 'l 1400 a opera de minator todeschi. Pi tardi al posto al è stat sot de 'l Inpero Austro-Ungarico e sot de la republica de Venežia. La đent de 'l posto la laorea inte le miniere o comunque in funžion de quele. La agricoltura no la è mai stata la economia principal. Al paeset al è famoss par la tradižion de i conža che da qua i partia par l'Italia e par i Stati confinanti co pochi arte par far e inpajar carieghe. I conža par difender al so saer e par parlarse fra de lori senža esser intendesti i se à inventà an so gergo ciamà "Scapelament de 'l conža". Al gosaldin Giocondo Dalle Feste de 'l 2003 al à publicà an dižionario de le parole de sto gergo.

Foržela Aurine

Quota su 'l livel de 'l mar 1300 m. La fražion la ospita struture par al turismo estivo e invernal e la è te 'l altipian a i piei de 'l Agner e de la Croda Granda. La fražion, piciola assei, la è abitada pi che sia da turisti (i paesani i è 19).

Personalità de Gosalt

• Jacom Dalle Feste al à scrit an dižionario su 'l Scapelament de 'l conža.

Robe da no perderse

• La cesa de 'l paess, dedicada a San Jacomo, la è de 'l 1100.

Prodoti tipici

• Carieghe