Arend Petroleum Maatschappij
| Arend Petroleum Maatschappij | ||
|---|---|---|
| ||
| Localisacion | ||
| Localisa na | Aruba | |
| Luga | Oranjestad | |
| Adres | L.G. Smith Boulevard 172 | |
| Coordinatonan | 12°32′1.3″N 70°3′12.2″W / 12.533694°N 70.053389°W | |
| Historia | ||
| Original | Sede di Arend Petroleum Maatschappij | |
| Funda | 1927 | |
| Inaugura | 1927 | |
| Retiro servicio | 1953 | |
| Restauracion | 2021 | |
| Informacion di construccion | ||
| Architect | desconoci | |
| Situa na Aruba | ||
| ||
Imagennan riba  Wikimedia Commons
| ||
| [Edita Wikidata] · [Manual] | ||
Arend Petroleum Maatschappij, tambe conoci como Eagle Petroleum Company o Eagle) tabata un refineria na Aruba, situa net pafor di Oranjestad, na haltura di Eagle Beach. E tabata un subsidiario di e grupo Shell.
Historia
Arend Petroleum Maatschappij NV a establece na 1927 na Aruba, originalmente como "Compania Mexicana de Petrol el Aquila", pa traha un refineria mescos na Kòrsou.[1] E compania tabata liga na Curacaosche Petroleum Industrie Maatschappij, ku tabata pertenece na e grupo Shell.
Di gobierno Eagle a haya otorga un tereno ancho canto di costa na Druifbaai di masomenos 5 kilometer largo.[2] E refineria a kuminsa opera na 1928 y den corto tempo a alcansa un capacidad di procesamento di 3000 ton pa dia. E compania tabatin alrededor di cuater cien hende den servicio.[3] Entre 1942 y 1945 a para e actividad di refinamento mientras a continua cu e actividadnan di wardamento y traspaso di zeta. Despues di Guera Mundial II a reanuda e actividad di produccion te dia 25 di januari 1954, ora e compania a sera su portanan pa despues wordo bendi bek cu gobierno.
Casi for di inicio e compania a cuminsa facilita su trahadornan cuido medico propio, mescos cu tabata e caso den refineria Lago na San Nicolas. E compania tabata posee tereno na Bubali y e cas conoci awendia como Quinta del Carmen. A converti esaki den un cas di dokter, unda, entre otro e prome dokter di Eagle Adriaan Dussenbroek (1893-1965), a biba y tabatin su consultorio. Patras di e cas tabatin un hospital chikito cu tabata habri di 1929 te 1943 y cu a keda desmantela dia e compania a cera porta.[3]
Dia 31 di december 1960 a cambia nomber di e sociedad anonimo pa Shell Nederlandse Antillen Verkoopmaatschappij NV y desde 1961 esaki a tuma over di Shell Curacao NV e negoshi di benta di productonan petrolero den Islanan ABC.
Galeria
-
Instalacion di Arend Petroleum Maatschappij na 1947 -
Descargando un reactor di un barco na e antiguo waf di Taratata -
Tankinan pa warda zeta -
Bista riba laman, lina di trein y pier -
Cas di dokter na Bubali -
Casnan pa empleado na e bario di Eagle (1935) -
Bista di paden di e bentana di e ofisina -
Fachada di ofisina di Arend Petroleum Maatschappij despues di restouracion na 2021 -
Trapi den ofisina monumental di Arend Petroleum Maatschappij
Literatura
- Olga van der Klooster & Michel Bakker, Bouwen op de Wind: Architectuur en Cultuur van Aruba, Stichting Libri Antilliani (2007), pag. 182-183.
Mira tambe
Fuente, nota i/òf referensia
|