Scol 1888

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Scol 1888
Landsschool (1888) Julianashool (1921) Prinses Margrietschool (1943)
Sede di Contraloria General di Aruba (2020)
Localisacion
Luga	Oranjestad
Adres	Wilhelminastraat 6 (panort) Zoutmanstraat 9 (pazuid)
Cercania	Stadhuis
Coordinatonan	12°31′7.7″N 70°2′10.3″W
Historia
Original	Scol basico publico
Actual	Contraloria General di Aruba
Construccion	8 di augustus 1887
Funda	1888
Inaugura	5 di maart 1888
Renobacion	1900: Facilidad sanitario 1920-1922: Dos sala di klas 1953-1955: Openbare Leeszaal en Boekerij 1982: RvA y ARA
Restauracion	2005
Arkitectura
Estilo	Neoclasismo
Material	Piedra di kalki, kalki y cement
Informacion di construccion
Architect	Antoine Martis
Propietario	Monumentenfonds Aruba
Reconocemento
Status monumental	Herencia cultural
Situa na Aruba
Imagennan riba Wikimedia Commons
[Edita Wikidata] · [Manual]

Scol 1888 of School 1888, originalmente conoci como Julianaschool, ta un edificio monumental na Oranjestad, Aruba, situa na Wilhelminastraat 6.

Historia

E edificio tabata e prome scol basico publico di Aruba. El a wordo diseña den estilo neoclasico pa Antoine Martis (1837-1894), hefe di departamento di contruccion (DOW) na Corsou, y construi entre 1887 y 1888, durante termino di gezaghebber David Gaërtse.

Gezaghebber David Gäerste (1883-1888)

E scol a habri oficialmente dia 5 di maart 1888 i tabata conocí e tempo ey bou di e nomber ‘landsschool’. Rond 1900 e facilidadnan sanitario y e cura di scol a wordo construi pa Johannes Scheurman. Na aña 1921 bou di J.K. Zeppenfeldt Lampe e scol a haya e nomber di Julianaschool y despues cu esaki a muda pa Madurostraat e nomber a cambia pa Prinses Margrietschool na 1943.

Maestro di e landsschool na 1903: r. pa d. J. Schrils, J. Scheurman y Harry Lampe (tata di Padu Lampe)

Den curso di tempo e edificio a haya varios funcion. Durante Guera Mundial II el a fungi manera un kazerne pa schutterij. E funcion di kazerne a trece hopi cambio cu ne n’e edificio caminda a construi diferente parti nobo. Entre 1953 y 1955 a renoba e edificio y esaki a bira “Openbare Leeszaal en Boekerij” te aña 1982, ora e biblioteca a muda pa Madurostraat. Despues el a fungi como sede di e Organo Consultativo (RvA) y ta aktualmente sede di Contraloria General di Aruba (Algemene Rekenkamer, ARA).

Na 1982 e edificio a haya dos entrada principal; uno na Wilhelminastraat y e otro na Zoutmanstraat. Durante e restauracion di e stadhuis di Oranjestad na 2004 el a fungi temporariamente como luga pa casamento. Na 2005 a cuminsa cu restauracion y expansion di e edificio caminda cu a kita tur e partinan no original cu no tabata forma parti di e proteccion di e monumento y a haci un expansion di e edificio den un estilo mas moderno. E monumento ta propiedad di Fundacion Fondo pa Monumento Aruba (SMFA) desde 2014.

Na 1995 den e seri di monumento diseña pa Stan Kuiperi, Post Aruba a saca un stampia di 35 cent cu un imagen di e edificio.

Galeria

• 
  Entrada na Plasa Padu Lampe y Zoutmanstraat
• 
  Bista riba Oranjestad (1903) cu scol 1888 na man drechi
• 
  Bista desde toren Willem III

Literatura

• Olga van der Klooster & Michel Bakker, Bouwen op de Wind: Architectuur en Cultuur van Aruba, Stichting Libri Antilliani (2007), pag. 187-190.
• Klooster, O. van der (2013). Monumentengids Aruba. Amsterdam; Oranjestad: KIT Publishers; Fundacion Editorial Charuba. https://archive.org/details/monumentengidsar0000kloo/page/103/mode/1up. 

Mira tambe e kategoria School 1888 (Aruba) di Wikimedia Commons pa mas dato mediatiko tokante di e tema aki.

Fuente, nota i/òf referensia