Giuseppe Pitrè
Giuseppe Pitrè (Palermo, 21 'e dicembre 1841 - 10 'e aprile 1916) fuje 'nu siciliano allittrato celebbre, supratutto p"a fatica soja dint'a ll'area 'e folklore siciliano. Aveva fatto 'e sturie suje nt"â merecina, ma se accupaje r"o folklore 'e ll'isula dint'a ogne aspetto e cu granne dedicazzione. Pitrè ideaje e realizzaje 'o "Museo etnografico siciliano", che asiste ancora oggie a Palermo, e onne cugliètte tutto chello che truvaje 'ncopp'a cultura d"o pòpolo sujo.
Nfra 'o 1871 e 'o 1913 pubbricaje 'a Biblioteca delle tradizioni popolari siciliane che cumprenne vinticinche vulumme. Sta cugliuta 'e nnuvelle, liggenne, custume, cante, pruvierbe, juocore e storie, p"a primma vota, difinette 'a natura e le cunfine d"o folklore siciliano.
Dint'ô libbro "Fiabe, novelle e racconti popolari sicilani" trascrive cierte cunte pupulare 'e ll'ebbeca, tra cui 'e cunte 'e Giufà.
N'ata opera pe cui Pitrè venette canusciuto è p'â Grammatica Siciliana (suttatitulata: un saggio completo del dialetto e delle parlate siciliane). Stu libbro (pubbricato dint'ô 1875) nun venette titulato pricisamente pecché 'a maggiuranza d"o libbro nun si accopa d"a grammatica siciliana spiecifecamente. 'O libbro tene tre pparte:
- Teoria dei suoni, o 'a tiuria d"e suone, che se tratta supratutto de' canciamiente de' suone tra 'o llatino e 'o ssiciliano;
- Teoria delle forme, o 'a tiuria d"e fforme. Sta parte se tratta cchiù o meno d"e fforme grammateche d"a lingua siciliana; e
- comme n'appendice, 'a littiratura siciliana (ma solo chella scritta dint'ô 'taliano).
Pure si sta grammatica venette scritta dint'ô 1875, ancora ritene pirtinenza oggie p"o studio d"o ssiciliano.