Arenella
Ll'Arenella è nu rione cullinare 'e Napule, 'o cchiù auto d''a cità, raggiungenno 'e 465 m 'e altezza d''a cullina d''e Camandule.
Siconno cierte funte, 'a riggene d''o nomme sujo è pussibelmente r'attaccarse ô fatto ca 'a zona 'e Chiazza Arenella vicine a Chiazza Muzij, s'appresentava e s'appresenta comme na piccerilla arena, int ca se sgravugliavano 'e ncuntre, 'e mercate ed 'e manifestazione civile e d''a fede cchiù mpurtante, 'a cca 'a derevazione 'e Arenella.
Pe particulare primma d''o XX siculo int 'a zona cullinare d''a cità, tanno custituito pe 'o cchiù 'a zzone agricole, nun se nnummenavano mai o quase ll'iazze 'e mo ncoppe 'o territorio cu 'o termene 'e chiazza o chiazzullo, ma mmece cu 'o nomme 'e "Lario" (comme ad essempio Lario Antignano, ancora asistente) o ll'"arena", ca po' addiventette Arenella e Arenaccia.
- Purtale Napule: Trase ê vvoce 'e Wikipedia ca parlano 'e Napule