Napule

Chist'articulo è sulo na bozza (stub). Si ce puó ddà na mano, p’’o fà addeventà nu poco meglio, spriemme ccà. Pe' ssapé comm’’e 'a fà, guarda ncopp’’e ccunvenziune 'e Wikipedia.

Pe' ssapé quale so' tutte quant’’e stub, vaje a vedé 'a categoria stub.


Napule

Nomme ufficiale:	Napoli
Stato:	Italia
Reggione:	Campania
Pruvincia:	'e Napule
Estenzione:	117 km²
Pupulazzione:	993.386 (cens. 2001)
Denzità:	8490 ab./km²
'E riune:	Agnano, Arenella, Bagnole, Barra, Capodichino, Capemonte, Cardarelli, Duomo, Forerotta, Marechiaro, Marianella, Margellina, Mianella, Nisida, Chianura, Piererotta, Piscinola, Pucereale, Punticielli, Pusilleco, Rione Traiano, San Giuvann' a Teduccio, San Paolo, Santa Lucia, Scudillo, Sicundigliano, Soccavo, Vommaro
Commune vicini:	Arzano, Casandrino, Casavatore, Casoria, Cercola, Marano 'e Napule, Melito 'e Napule, Mugnano 'e Napule, Puortece, Puzzuolo, Quarto, San Giorgio a Cremano, San Sebastiano ô Vesuvio, Volla
Coordinate giugrafiche:	40°50'9"N, 14°14'55"E Mustra 'int' 'a mappa
Sinnaco:	{{{sinnaco}}}
Codice pustale:	80100
Prefisso pe ttelefunà:	081
Santo prutettore:	San Gennaro santa prutettrice = Santa Patrizia
Festa d'o patrono:	19 'e settembre
Sito:	comune.napoli.it

Chist'è 'o paese d' 'o sole,

chist'è 'o paese d' 'o mare,

chist'è 'o paese addó tutt' 'e pparole,

so' doce o so' amare,

so' sempe parole d'ammore!

- Libero Bovio, D'Annibale, "'O paese d' 'o sole" -

Napule, sovrannummenata 'a capitale d''o mediterraneo, capoluoco d''a pruvincia omonima e ''a reggione Campania, è na cità 'e circa nu melione 'e abetante e 4.400.000 perzone 'int'â ll'area metropolitana (cuntenente pure zzone d''a pruvincia 'e Caserta, Avellino e Salierno). Napule, 'a terza cità d'Italia ppe ggente, è 'o cchiù gruosso ammazzuccato urbano d''o paese doppo chillo 'e Milano ed è settema 'int' 'a crassifeca d''e aree urbane cchiù pupulose d'Europa. È 'a notà pure ca a Napule risede nu quinto d''a pupulazione reggionale 'ntera e 'int' 'a pruvincia soja cchiù ca 'a mità 'e éssa.

'A "maliusa cità", seconno 'e pparole 'e Vittorio De Sica 'int' 'o film d''o 1954 "'A baia 'e Napule", è una d''e cchiù belle cità d'Italia, ncopp' 'o gurfo 'e Napule, nfra 'o Vesuvio e ll'area vurcanica d''e Campe Flegree.
'O centro storico sùio, canusciuto in tutto 'o munno è mèta 'e turiste pruveniente 'a ogne pparte d''p munno. NOTE: È uno d''e site ca ll'UNESCO ha ditto patrimmonio 'e ll'umanità.

Storia

'A cità fuje pussibbelmente affunnata d''e abetante d''a culunia grieca 'e Cumma attuorno ô VIII seculo AC, 'int' 'a zona 'e mmo ca se chiamma d''e decumane, nun molto luntano d'addò sorgeva 'a preasistente cità 'e Partenope, po' chiammata Palepolis, «cità viecchia», ncoppa 'o Monte Echia 'e mmo; pe chesta raggione fuje chiammata Néa-pólis, «cità nuova».