Lingua yurí

Yurí Xurúpixuna
Falado en:	O Brasil e Colombia
Rexións:	Río Caquetá
Extinción:	século XIX-XX
Familia:	Ticuna-yurí  Yurí
Códigos de lingua
ISO 639-1:	--
ISO 639-2:	---
Mapa
Status

A lingua yurí (ou jurí) foi unha lingua indíxena falada outrora na rexión do río Caquetá, no Amazonas brasilieiro, estendéndose lixeiramente a Colombia. Foi falado no río Puré, en Colombia, e nos ríos Içá e Japurá, no Brasil.

Unha pequena cantidade de datos sobre a lingua foi recolectada en dúas ocasións no século XIX, en 1853 e 1867. Kaufman (1994:62, por Nimuendajú 1977:62) declara que hai boas evidencias léxicas que apian a conexión coa lingua ticuna e a familia ticuna–yurí, aínda que os datos non foron comparados explicitamente (Hammarström 2010).

Crese que o pobo yurí e a súa lingua sobreviven entre os pobos non contactados da rexión do río Puré, no Parque Nacional Natural Río Puré. Ademais, "yurí" é empregado a miúdo como sinónimo do único pobo nomeado da área, os carabayo. Unha lista de palabras recollidas en 1969 dos carabayo, recuperadas en 2013, suxire que a lingua esta estreitamente relacionada co yurí, aínda que quizais non sexa un descendente directo.