Literaduakritik

Der Artikl is im Dialekt Obaboarisch gschriem worn.

Literaduakritik moant de Beweatung und Interpretation vo Literadua. In de anglsaxischn Lända stengan Literaduakritik (literary criticism) und Literaduawissnschoft (literary theory) enga zamm ois wia im Boarischn. Literaduakritik wead do oft ois Tei vo da Literaduawissnschoft ogseng. Owa a do guit, dass a Literaduakritika ned unbedingt a Literaduawissnschofta sei muas.

Literaduakritik wead entweda in da Foam vo am Essay oda ois Monografie vafosst. Synonyme vo Literaduakritik san im Boarischn: Literaduarezension, Buachrezension, Buachbsprechung und Buachkritik.

Literaduakritik in da Gengwoat

Literaturkritikn eascheinan im Feuilleton vo Zeidunga unn Zeitschriftn, oba aa in Radio unn Feanseng sowia im Internet.

Oana vo de eiflussreichstn deitschn Literaduakritika vom 20. unn 21. Joahundat is Marcel Reich-Ranicki. Zsamma mit Hellmuth Karasek unn Sigrid Löffler sowia spada Iris Radisch hot ea vo 1988 bis 2001 reglmäßi literarische Weak in da Feansehsendung "Das literarische Quartett" diskutiat. Deazeit wead im ZDF de Sendung "Lesen!" vo Elke Heidenreich ausgstroijt, de olladings eakläatamoßn net oijs a literatur-kritische Sendung konzipiat woan is.

De Wiakung vo de im Feanseng ausstroijdn Literaduakritik is grouß unn ko iaba de Eafoijgschancen oda aa an Misseafoijg von am Buach entschein. Im Feanseng ausgstroijde Literaduakritik (oba ned nua de) wead deszweng oft oijs a Deil vo da Kuituaindustrie kritisiat.

Zitat

• Da Schoafsinn von am Kritika eaweist se bsundas o neie Schriftn, de no net duachs Publikum eaprobt hand. Earotn, schneija sei, af an eastn Blick buadeiln, des is de Gob von am Kritika. Wia weni hom de! – Charles-Augustin Sainte-Beuve (aus: Chateaubriand)

Literadua

• Thomas Anz / Rainer Baasner (Hrsg.), Literaturkritik - Geschichte, Theorie, Praxis. Minga 2004. ISBN 3-406-51095-7
• Wilfried Barner, Literaturkritik - Anspruch und Wirklichkeit. DFG-Symposion 1989. Stuttgart 1990
• Jörg Drews, Literaturkritik - Medienkritik. Heidelberg 1977
• Peter Uwe Hohendahl, Literaturkritik und Öffentlichkeit. Minga 1974.
• Oliver Pfohlmann, Kleines Lexikon der Literaturkritik. Marburg an der Lahn 2005. ISBN 3-936134-09-X
• Hans Mayer (Hrsg.), Deutsche Literaturkritik, 4 Bde. Frankfurt/M. 1978.
• Stefan Neuhaus, Literaturkritik: Eine Einführung. Stuttgart 2004. ISBN 3-8252-2482-1
• Gunther Nickel (Hrsg.), Kaufen! statt Lesen! Literaturkritik in der Krise. Göttingen 2005
• I. A. Richards, Prinzipien der Literaturkritik. Frankfurt/M. 1985.
• Thomas Steinfeld (Hrsg.), Was vom Tage bleibt. Das Feuilleton und die Zukunft der kritischen Öffentlichkeit in Deutschland. Frankfurt/M. 2004
• René Wellek, Geschichte der Literaturkritik 1750-1950, 4 Bde. Berlin u.a. 1978 ff.
• Ants Oras, The Critical Ideas of T.S.Eliot, (Die kritischen Gedanken T.S.Eliots)

Im Netz

• Dictionary of the History of Ideas: Literary Criticism
• Truman Capote Award for Literary Criticism Award Winners
• Internet Public Library: Literary Criticism Collection of Critical and Biographical Websites