Literaduakritik
| Der Artikl is im Dialekt Obaboarisch gschriem worn. |
Literaturkritik mocht ses zua Aufgom, Weak vo da Literatur z bweatn unn eizoadnan. Dobei kos se um Rezensionan vo nei eascheinande Weak, oba aa um kritische Btrachtunga vo Weak von am breits äijtan Datum geh. Literaturkritika seing se häifig oijs im Dienst vom Publikum unn/oda vo da Literatur stengand unn bweatn de Weak im Hiblick af impliziate oda explizite Kriterian. De im Deitschn iabliche Drennung zwischn Literaturkritik unn Literaturwissenschaft is in de onglsächsischn Lända weniga ausprägt, dea duatn gbräichliche Bgriff literary criticism umfosst oijs zwoa.
Literaturkritik in da Gengwoat
Literaturkritikn eascheinan im Feuilleton vo Zeidunga unn Zeitschriftn, oba aa in Radio unn Feanseng sowia im Internet.
Oana vo de eiflussreichstn deitschn Literaturkritika vom 20. unn 21. Joahundat is Marcel Reich-Ranicki. Zsamma mit Hellmuth Karasek unn Sigrid Löffler sowia spada Iris Radisch hot ea vo 1988 bis 2001 reglmäßi literarische Weak in da Feansehsendung "Das literarische Quartett" diskutiat. Deazeit wead im ZDF de Sendung "Lesen!" vo Elke Heidenreich ausgstroijt, de olladings eakläatamoßn net oijs a literatur-kritische Sendung konzipiat woan is.
De Wiakung vo de im Feanseng ausstroijdn Literaturkritik is grouß unn ko iaba de Eafoijgschancen oda aa an Misseafoijg von am Buach entschein. Im Feanseng ausgstroijde Literaturkritik (oba net nua de) wead deszweng oft oijs a Deil vo da Kulturindustrie kritisiat.
Zitat
- Da Schoafsinn von am Kritika eaweist se bsundas o neie Schriftn, de no net duachs Publikum eaprobt hand. Earotn, schneija sei, af an eastn Blick buadeiln, des is de Gob von am Kritika. Wia weni hom de! – Charles-Augustin Sainte-Beuve (aus: Chateaubriand)
Literatur
- Thomas Anz / Rainer Baasner (Hrsg.), Literaturkritik - Geschichte, Theorie, Praxis. München 2004. ISBN 3-406-51095-7
- Wilfried Barner, Literaturkritik - Anspruch und Wirklichkeit. DFG-Symposion 1989. Stuttgart 1990
- Jörg Drews, Literaturkritik - Medienkritik. Heidelberg 1977
- Peter Uwe Hohendahl, Literaturkritik und Öffentlichkeit. Münchn 1974.
- Oliver Pfohlmann, Kleines Lexikon der Literaturkritik. Marburg an der Lahn 2005. ISBN 3-936134-09-X
- Hans Mayer (Hrsg.), Deutsche Literaturkritik, 4 Bde. Frankfurt/M. 1978.
- Stefan Neuhaus, Literaturkritik: Eine Einführung. Stuttgart 2004. ISBN 3-8252-2482-1
- Gunther Nickel (Hrsg.), Kaufen! statt Lesen! Literaturkritik in der Krise. Göttingen 2005
- I. A. Richards, Prinzipien der Literaturkritik. Frankfurt/M. 1985.
- Thomas Steinfeld (Hrsg.), Was vom Tage bleibt. Das Feuilleton und die Zukunft der kritischen Öffentlichkeit in Deutschland. Frankfurt/M. 2004
- René Wellek, Geschichte der Literaturkritik 1750-1950, 4 Bde. Berlin u.a. 1978 ff.
- Ants Oras, The Critical Ideas of T.S.Eliot, (Die kritischen Gedanken T.S.Eliots)