Fondation Mirokiwin
Manawan/Wemotaci:
Tan e ici otamiroak ? Kaskina neta ka otamirotcik tepirak witcihiwewok nama soka coriak otci otamirowok Fondation Manawan Mirokiwin ota otenak Manawan.Ni kiskeritenan e ici noteparik ockinikiwok ickwecak otci. Tataw e mawotcihitowak,ni nikictatotnan e nta kiskeritamak kekwan kirowe ke apatak otamirowinik otci kirika e nanakatcitaiak irikik e takok coria aric e kanawapatak irikik kaki pakinikaniok kecpin e takocinomakak 100% kitci matcataiak kekocic. Anihe nosinetin e orapitamak keki miroparik : Otcitakotc kitci natowi witcihiwemakak. a) ki kackihotc awacic e mekwa kiskinohomasotc; b) Kitci cikimiwemakak wewerita kitci natowi witcihitisotc awacic; c)Otcitakotc kitci aniskotape kiskeritak weckatc kaki itatcihitisotc Atikamekw nehirowiw ota Manawanik. Anihi kaskina coria ka pakitinikeekw ekota tekaci misiwe e icamakak. Aspinikotc tca kanawapatcikatew kaie nanakatcitakaniwon aka wec kitci isparik. Awin tca neta ka otamirotcik ? La fondation Manawan Mirokiwin otamirowok otci awacak kaie masinaso ote Québec ani apitc sikon 2015 kaie petaw kitci kitcisinasotc ote Revenu Canada matci kitci ocitatc pakitinike masinahikaniw awik e pakitinak coriariw. Enko niki ka nikanitcik :
- # Anette Dubé-Vollant
- # Debby Flamand
- # Thérèse Niquay
- # René Ottawa
Osam onawis e actek coriak otci napitc kirowe kata kanawapatam anihe ka kictapatak (mitcimik, tacikewinik,ntokohiwinik, kiskinohomakewinik,metowewinik) kirowe witcitaw aniheriw :
- 1. Kackitamaso kiskinohomasowin
- 2. Wewerita ka mikatisotc awik
- 3. Ka kiskinowerimotc awik otirisowinik.
Ekota wetci kirowe wetanik awik kecpin e wi natowi mirokatisotc kirika wewerita kitci mantokasotc nac kitci iti micta kicteritak aniheriw kotc ka nikickak ke nikickowatc kotakihi awiriwa. Cakotc ekoni e itemakak anihe itewin MIROKIWIN awik ka mirokitc kirika wewerita ka miro pimatisitc. Nanake kata iti masinatewa anihi ke mitakaniwok otamirowina.