Juhuri
El juhuri, juwuri o xudeotati (çuhuri / жугьури / ז'אוּהאוּראִ) ye un dialeutu del tati faláu polos xudíos del monte del sector oriental de la cordal d'El Cáucasu, orixinalmente d'Azerbaixán y de la república rusa de Daguestán, anque agora ye faláu principalmente Israel.[1]
Esta llingua ta rellacionada direutamente col idioma persa; los tats musulmanes d'Azerbaixán falen un dialeutu bien paecíu, anque con mayor influencia del persa y del árabe. Les pallabres Juhuri y Juhuro signifiquen "xudíu" y "xudíos", respeutivamente. Como toles llingües xudíes, el juhuri tien elementos semíticos (hebréu/araméu/árabe) en tolos sos niveles; inclusive, Juhuri tien el soníu gutural hebréu "ayin" (ע), ente que la llingua tati falada polos musulmanes tats nun la tien.
El juhuri ta consideráu un idioma amenaciáu,[2][3] clasificáu como "en peligru" pol Atles interactivo Unesco de les llingües en peligru nel mundu.[4]
Distribución
[editar | editar la fonte]Esta llingua ye faláu por unes 106 000 persones:
- Israel: 70 000
- Azerbaixán: 24 000
- Rusia: 7000
- Estaos Xuníos: 5000
Referencies
[editar | editar la fonte]- ↑ Ethnologue report for Xudeo-Tat (n'inglés)
- ↑ Published in: Encyclopedia of the world's endangered languages. Edited by Christopher Moseley. London & New York: Routledge, 2007. 211–280. (n'inglés)
- ↑ Do the Talysh and Tat Languages Have a Future in Azerbaijan? Archiváu 2011-06-04 en Wayback Machine (n'inglés)
- ↑ UNESCO Interactive Atlas of the World's Languages in Danger
Enllaces esternos
[editar | editar la fonte]
Wikimedia Commons acueye conteníu multimedia sobre Juhuri.
