Caliak sumber untuak Bangso Minangkabau

{{infobox ethnic group|
| group            = Minangkabau<br/>ميناڠكاباو<br/><small>Urang Awak</small>
| image            = [[File:COLLECTIE TROPENMUSEUM Poserende Minangkabauers in gelegenheidskleding TMnr 10005033.jpg|300px]]
| image_caption    = 
| population       = 6.462.000 - 8.000.000 jiwa{{br}}<small>(Joshuaproject & Encyclopædia Britannica)</small><ref>[http://joshuaproject.net/people_groups/13724/ID] [http://www.britannica.com/EBchecked/topic/383458/Minangkabau ''Minangkabau people'']. [[Encyclopædia Britannica]]. ©2015 Encyclopædia Britannica, Inc. Diakses pada 14 Maret 2012.</ref>
| popplace         = |region1      = {{flagicon|Indonesia}} '''[[Indonesia]]'''
|pop1         = '''6.462.713'''
|ref1         = <ref>{{cite book
  | last = 
  | first =
  | publisher=[[Badan Pusat Statistik]]
  | title =Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010
  | date =
  | year =2011
  | url =
  | accessdate =  2012-08-24
  | isbn = 9789790644175
  | url = http://sp2010.bps.go.id/files/ebook/kewarganegaraan%20penduduk%20indonesia/index.html}}</ref>
|region2      = {{nbsp|7}}[[Sumatera Barat]]
|pop2         = 4.281.439
|ref2         =
|region3      = {{nbsp|7}}[[Riau]]
|pop3         = 624.145
|ref3         =
|region4      = {{nbsp|7}}[[Sumatera Utara]]
|pop4         = 345.403
|ref4         =
|region5      = {{nbsp|7}}[[Daerah Khusus Ibukota Jakarta|DKI Jakarta]]
|pop5         = 305.538
|ref5         =
|region6      = {{nbsp|7}}[[Jawa Barat]]
|pop6         = 202.203
|ref6         =
|region7      = {{nbsp|7}}[[Jambi]]
|pop7         = 168.947
|ref7         =
|region8      = {{nbsp|7}}[[Kepulauan Riau]]
|pop8         = 156.770
|ref8         =
|region9      = {{nbsp|7}}[[Banten]]
|pop9         = 86.217
|ref9         =
|region10     = {{nbsp|7}}[[Bengkulu]]
|pop10        = 73.333
|ref10        =
|region11     = {{nbsp|7}}[[Sumatera Selatan]]
|pop11        = 69.996
|ref11        =
|region12     = {{nbsp|7}}[[Lampung]]
|pop12        = 69.884
|ref12        =
|region13     = {{flagicon|Malaysia}} '''[[Malaysia]]'''
|pop13        = .
|ref13        = 
|region14     = {{nbsp|7}}[[Negeri Sembilan]]
|pop14        = '''548.000'''
|ref14        = <ref>{{cite web|url=http://www.statistics.gov.my/ccount12/click.php?id=2127|title=Laporan Kiraan Permulaan 2010|publisher=Jabatan Perangkaan Malaysia|pages=iv|accessdate=2011-01-24|archiveurl=https://web.archive.org/web/20101227065717/http://www.statistics.gov.my/ccount12/click.php?id=2127|archivedate=2010-12-27|dead-url=yes}}</ref>
| rels             = [[Islam]]
| langs            = [[Baso Minangkabau|Minang]]<br/> [[Bahaso Indonesia|Indonesia]], [[Bahaso Melayu|Melayu]]
| related          = [[Urang Aneuk Jamee|Aneuk Jamee]], [[Urang Kampar|Kampar]], [[Suku Kurinci|Kurinci]], [[Urang Melayu|Melayu]], [[Urang Mandailing|Mandailing]]
}}{{ANT}}
'''Bangso Minangkabau''' ([[Abjaik Jawi|Jawi]]: ميناڠكاباو) adolah bangso basuku-suku barasa dari ranah [[dataran tinggi Minangkabau]] di Sumatro Baraik nan [[bahaso Minangkabau|babaso]] jo manjunjuang [[adaik Minangkabau|adaik]] Minangkabau. Wilayah kabudayaannyo maliputi [[Sumatra Barat]], saparuah daratan [[Riau]], bagian [[utara]] [[Bengkulu]], bagian [[barat]] [[Jambi]], bagian [[selatan]] [[Sumatra Utara]], barat daya [[Aceh]], dan juo [[Negeri Sembilan]] di [[Malaysia]]<ref name="Jos">{{Cite book |last=Josselin de Jong|first=P.E. de|title=Minangkabau and Negeri Sembilan: Socio-Political Structure in Indonesia|publisher=Jakarta: Bhartara|date=1960}}</ref>.

Urang Minang dikana juo sabagai '''Urang Awak''' nan punyo masakan khas, dan populer di [[Indonesia]] bahkan sampai ka kawasan rantau nan disabuik juo sabagai ''masakan Padang''<ref name="Ramli">{{Cite book |last=Ramli|first=A.|title=Masakan Padang: Populer & Lezat|publisher=Niaga Swadaya|date=2008|id= ISBN 978-979-1477-09-3}}</ref>.

Manuruik [[A.A. Navis]], Minangkabau adolah bangso nan tumbuah jo gadang dek sistem monarki,<ref name="Navis-1">{{cite book|last=Navis|first=A.A.|authorlink=A.A. Navis|year=1984|title=Alam Terkembang Jadi Guru: Adat dan Kebudayaan Minangkabau|publisher=Grafiti Pers|location=Jakarta}}</ref> sarato punyo sistem adaik nan lain, nan dicirikan dek sistem badunsanak lewat jalur padusi atau [[matrilineal]],<ref name="Datuk">{{cite book|last=Batuah|first=A. Dt.|last2=Madjoindo|first2=A. Dt.|year=1959|title=Tambo Minangkabau dan Adatnya|publisher=Balai Pustaka|location=Jakarta}}</ref> walaupun budayonyo sangaik kuek diwarnai dek ajaran agamo [[Islam]]. Katiko [[Thomas Stamford Raffles]], maadoan ekspedisi ka padalaman Minangkabau tampek Daulat [[Karajaan Pagaruyuang]], sainggo inyo bapandapek bahosonyo Minangkabau tu adolah pusek kakuasoan sarato asa bangso [[Melayu]], nan kudian panduduaknyo taserak marato di Kapulauan Timur.<ref name="MalayIdentity2001">{{cite journal|last=Reid|first=Anthony|journal=Journal of Southeast Asian Studies|title=Understanding Melayu (Malay) as a Source of Diverse Modern Identities|volume=32|issue=3|year=2001|pages=295–313|url=|doi=10.1017/S0022463401000157}}</ref>

==Etimologi==
[[Berkas:Sumatra Ethnic Groups Map en.svg|thumb|left|209px|Peta nan manunjuakkan wilayah babudayo Minangkabau di [[pulau Sumatera]].]]Namo Minangkabau barasa dari duo kato, ''minang'' jo ''kabau''. Namo iko bakaik jo ciek lagenda Minangkabau nan ado di dalam [[tambo]]. Dalam tambo dikatoan, pado suatu maso ado karajaan asiang nan tibo dari lauik untuak malakuan panakluakan. Untuak managah jan tajadinyo parang, masyarakaik satampek mausu untuak baradu kabau. Pasukan asiang itu manyatujuinyo, lalu manyadioan saikua kabau nan gadang, samatang tu masyarakaik satampek manyadioan saikua anak kabau nan lapa. Dalam paparangan, anak kabau nan lapa manyangko kabau gadang itu adolah induaknyo, dek itulah anak kabau itu langsuang balari mancari susu jo mananduak hinggo mancabiak-cabiak paruik kabau gadang tersebut. Kamanangan itu mangilhami masyarakaik satempek mamakai namo ''Minangkabau'', nan barasa dari kalimaik "''manang kabau''". Salain itu, namo Minangkabau digunoan juo untuak manyabuik sabuah nagari, iyolah nagari Minangkabau, nan talatak di kecamatan Sungayang, kabupaten Tanah Data, provinsi Sumatera Barat.

Dalam catatan sajarah karajaan Majapahit, ''Nagarakretagama'' taun 1365 M, tasabuik namo '''Minangkabwa''' sabagai salah ciek nagari Malayu nan ditakluak.

Sadangkan namo "Minanga", alah disabuikan pulo dalam [[batu basurek Kedukan Bukit]] taun 682 Masehi nan babahaso Sansekerta. Dalam batu basurek tu dinyatoan, pandiri karajaan Sriwijaya nan banamo ''Dapunta Hyang'' barangkek dari "Minanga".

==Asa usua==
''Caliak pulo: [[Tambo|Tambo Minangkabau]] dan [[Tombo Lubuk Jambi]]''

Dari [[tambo]] nan ditarimo sacaro turun tamurun, mancaritoan bahasonyo niniak muyang urang Minangkabau barasa dari katurunan Iskandar Zulkarnain. Walau tambo itu indak tasusun sacaro ''sistematis'' sarato labiah kapado lagenda dibandiangan nan nyato.

Masyarakaik Minang marupoan bagian dari masyarakaik ''Deutro Melayu'' (Melayu Mudo) nan malakuan migrasi dari daratan Chino Selatan ka pulau [[Sumatra|Sumatera]] sakitar 2.500-2.000 taun nan lalu. Dipakiroan kalompok masyarakaik iko masuak dari arah timur pulau [[Sumatera]], manyusuri aliran sungai [[Batang Kampar|Kampar]] sampai ka dataran tinggi nan disabuik darek. Babarapo kawasan darek iko kamudian mambantuak samacam ''konfederasi'' banamo luhak atau dapek pulo disabuik [[Luhak|Luhak nan Tigo]], nan tadiri dari Luhak [[Luhak Limopuluah|Limo Puluah]], Luhak [[Luhak Agam|Agam]], jo Luhak [[Luhak Tanah Data|Tanah Data]]. Pado maso pamarintahan Hindia-Balando, daerah luhak iko manjadi daerah taritorial pamarintahan nan disabuik ''afdeling'', dikapaloi dek saurang ''residen'' nan kok di urang Minang disabuik Tuan Luhak.

Samantaro itu, sairiang jo patumbuahan jo pakambangan panduduak, masyarakaik Minangkabau manyeba ka kawasan darek nan lain sarato mambantuak babarapo kawasan manjadi kawasan rantau. Konsep rantau dek masyarakaik Minang marupoan suatu kawasan nan manjadi pintu masuak ka alam Minangkabau. Rantau bafungsi juo sabagai tampek mancari kahiduikan jo kawasan padagangan. Rantau di Minangkabau dikenal jo Rantau nan duo, tabagi dari Rantau di Hilia (kawasan pasisia timur) jo Rantau di Mudiak (kawasan pasisia barat).

Pado awalnyo panyabuikan urang Minang alun dibedaan jo urang Malayu, namun sajak abaik ka-19, panyabuikan ''Minang'' jo ''Malayu'' muloi dibedoan, mancaliak ka budayo matrilineal nan tatap batahan dibandiangan patrilineal nan dianuik dek masyarakaik Malayu pado umumnyo. Kamudian pangalompokan iko taruih balangsuang demi kapantiangan sensus panduduak ataupun politik.

== Agamo ==
Masyarakaek Minang kini ko marupoan pamaluak agamo [[Islam]]. Agamo Islam diparkiroan masuak malalui kawasan pasisia timur, walaupun ado anggapan dari pasisia barat, tarutamo pado kawasan [[Pariaman (disambiguasi)|Pariaman]], namun kawasan ''Arcat'' (Aru dan Rokan) sarato Inderagiri nan barado pado pasisia timur juo lah manjadi kawasan palabuhan Minangkabau sajak dahulunyo, dan [[Batang Kampar]] maupun [[Batang Kuantan]] nan bahulu di kawasan padalaman Minangkabau manjadi sarana parubuangan tarutamo untuak hubuangan dagang. Hal ko jiko dikaikan jo sebutan ''Urang Siak'' nan marujuak kapado urang-urang nan ahli dan tekun dalam agamo Islam, masih tatok digunoan di dataran tinggi Minangkabau.

Sabalun Islam ditarimo sacaro laweh, masyarakaek ko dari babarapo bukti arkeologis manunjuakan panah pulo mamaluak agamo [[Buddha]] tarutamo pado maso karajaan [[Kerajaan Sriwijaya|Sriwijaya]], [[Karajaan Dharmasraya|Dharmasraya]], sampai pado maso-maso pamarintahan [[Adityawarman]] dan anaknyo [[Ananggawarman]]. Kamudian parubahan struktur karajaan jo muncuanyo [[Kerajaan Pagaruyuang|Pagaruyuang]] nan lah manerapkan Islam dalam sistem pamarintahannyo, walau sampai abaik ka-16, ''[[Suma Oriental]]'' masih manyabuik, dari tigo rajo Minangkabau hanyo saurang baru nan lah Islam.

== Adaik jo Budayo ==
{{utama|Adaik Minangkabau|Budaya Minangkabau}}Manuruik [[Tambo Minangkabau|tambo]], sistem adaik Minangkabau patama kali dibantuak dek duo urang basudaro, [[Datuk Katumanggungan]] jo [[Datuak Perpatih Nan Sebatang]]. Datuk Katumanggungan mawarihkan sistem adaik Koto Piliang nan aristokratis, sadangkan Datuk Perpatih mawariskan sistem adaik Bodi Caniago nan egaliter. Dalam pajalanannyo, duo sistem adaik nan dikana jo ''kalarehan'' iko saliang isi maisi jo mambantuak sistem masyarakaik Minangkabau.

Dalam masyarakaik Minangkabau, ado tigo pilar utamo nan mambangun jo manjago kautuhan budayo sarato adaik istiadaik. Mareka adolah alim ulama, cadik pandai, jo niniak mamak, nan dikana juo jo istilah ''Tungku Tigo Sajarangan''. Katigonyo saliang malangkok'i jo bahu mambahu dalam posisi nan samo tingginyo. Dalam masyarakaik Minangkabau nan demokratis jo egaliter, sado uruihan masyarakaik dimusyawarahkan dek katigo unsua itu sacaro mufakaik.<ref>{{cite book|last=Westenenk|first=L.C.|authorlink=|coauthors=|title=De Minangkabausche Nagari|publisher=Visser|year=1918|location=Weltevreden|url=|doi=|isbn=|page=59|ref=Westenenk}}</ref>

=== Matrilineal ===

[[Matrilineal]] marupokan salah satu aspek utamo dalam mandefinisikan identitas masyarakaik Minang. Adaik jo budayo mareka manampekkan pihak padusi batindak sabagai pawaris harato pusako jo kakarabaikan. Garih katurunan dirujuak pado [[ibu]] nan dikana sabagai ''Samande'' (sa-ibu), sadangkan [[ayah]] mareka disabuik dek masyarakaik jo namo ''Sumando'' jo dipalakukan sabagai [[tamu]] dalam keluarga.

Kaum padusi di Minangkabau mampunyoi kaduduakan nan istimewa sahinggo dijuluaki jo ''[[Bundo Kanduang]]'', nan mamainkan paranan dalam manantukan kabarhasilan palaksanoan kaputuihan-kaputuihan nan dibuek dek kaum laki-laki dalam posisi mareka sabagai ''mamak'' (saudaro dari pihak ibu), jo [[pangulu]] (kapalo suku). Pangaruah nan gadang tasabuik manjadikan padusi Minang disimbolkan sabagai ''Limpapeh Rumah Nan Gadang'' (pilar utamo rumah).<ref>{{cite book|last=Koning|first=Juliette|title=Women and Households in Indonesia: Cultural Notions and Social Practices|publisher=Routledge|year=2000|ISBN=0-7007-1156-2|ref=Westenenk}}</ref> Walau kakuasoan sangaik dipangaruahi dek panguasoan tahadok aset ekonomi namun kaum laki-laki dari kaluargo pihak padusi tasabuik masih tatok mamaciak otoritas atau mampunyoi legitimasi kakuasoan pado komunitasnyo.<!--

Matrilineal tetap dipertahankan masyarakat Minangkabau sampai sekarang walau hanya diajarkan secara turun temurun dan tidak ada [[sanksi]] adat nan diberikan kepada nan tidak menjalankan sistem kekerabatan tersebut. Pada setiap individu Minang misalnya, memiliki kecenderungan untuk menyerahkan harta pusaka—nan seharusnya dibagi kepada setiap anak menurut hukum faraidh dalam [[Islam]]—hanya kepada anak perempuannya. Anak perempuan itu nanti menyerahkan pula kepada anak perempuannya pula, begitu seterusnya, sehingga Tsuyoshi Kato dalam disertasinya menyebutkan bahwa sistem matrilineal akan semakin menguat dalam diri orang-orang Minangkabau walau mereka telah menetap di kota-kota di luar Minang sekalipun.<ref name="Kato"/>-->

=== Bahaso ===
[[Berkas:Aksara Minangkabau.jpg|thumb|left|150px|[[Aksara]] nan pernah diduga sebagai aksara Minangkabau.]]
{{Utamo|Bahaso Minangkabau}}

[[Bahaso Minang]] marupoan salah satu anak cabang bahaso Austronesia. Walau ado pabedaan pandapek mangenai hubuangan bahaso Minang jo [[Bahaso Melayu]], ado nan maanggap bahaso nan dituturkan masyarakaek ko sabagai bagian dari dialek Melayu, karano banyaknyo kesamaan kosakata jo bantuak tuturan di dalamnyo, samantaro nan lain justru baranggapan bahaso ko marupoan bahaso mandiri nan babeda jo Melayu sarato ado pulo nan manyabuik bahaso Minang marupoan bahaso proto-Melayu.<ref>Simanjuntak, Mengantar, (1982), ''Aspek bahasa dan pengajaran'', Sarjana Enterprise.</ref><ref>Garry, J., Carl R., Rubino, G., (2001), ''Facts about the world's languages: an encyclopedia of the world's major languages, past and present'', H.W. Wilson, ISBN 0-8242-0970-2.</ref>

===Pakawinan===
Sistim matrilinial sabagai sistim kehidupan komunal nan dianut dek suku ko, manjadikan urusan perkawinan bukan hanyo masalah sapasang insan nan handak mambantuak kaluarga baru sajo. Tapi urusan ko manjadi urusan saluruah kaum kerabat dan anggota sukunyo. Perkawinan manampekkan istri pado status nan samo jo suaminyo, dimano istri marupoan pamagang warih dan harto pusako, anak nan lahia karano perkawinan manjadi anggota kaum sang istri. Jadi perkawinan manimbulkan tali kekerabatan nan dikenal jo:
* Tali kerabat mamak kamanakan
* Tali kerabat suku sako
* Tali kerabat induak bako anak pisang
* Tali kerabat andan pasumandan

Perkawinan nan ideal dalam alam pikiran urang Minangkabau adolah perkawinan antaro kaluargo dakek, lazim disabuak ''pulang ka anak mamak'' atau ''pulang ka bako''.

Dalam adaik Minangkabau laki-laki tingga di [[Rumah Gadang|rumah gadang]] pihak istrinyo, dimano dalam suku istrinyo inyo disabuik juo jo ''sumando''. Penilaian tahadok sumando dalam kehidupan sahari-hari diantaronyo dikenal jo:
* Sumando bapak paja
* Sumando kacang miang
* Sumando lapiak buruak
* Sumando niniak mamak

===Kasenian===

Suku Minangkabau punyo babagai macam atraksi jo kesenian, sarupo tari-tarian nan biaso ditampilkan dalam pesta adaik maupun perkawinan. Diantaro tari-tarian tu misalnyo tari pasambahan marupoan tarian nan dimainkan bamaksuik sabagai ucapan salamaik datang ataupun ungkapan raso hormat kapado tamu nan istimewa nan baru sajo sampai, salanjuiknyo [[Tari Piriang|tari piriang]] marupoan bantuak tarian jo gerak capek dari penarinyo sambia mamaciak piriang pado talapak tangan masing-masing, nan diiringi jo lagu nan dimainkan jo [[talempong]] jo [[saluang]].

[[Berkas:Saluang flute.jpg|thumb|150px|right|[[Saluang]]]]
[[Silek Minang|Silek]], seni bela diri tradisional khas Minang, alah turuik talibaik dalam mambantuak kasenian patunjukan di Minangkabau, nan biaso disabuik sabagai mancak atau bungo silek. Dalam mamancak, gerakan diupayokan saelok jo sarancak mungkin dan manjadi dasa dari adonyo tari Minang ataupun randai. [[Randai]] marupokan seni patunjukan nan mamadukan tarian jo bungo silek. Randai biasonyo diiringi jo nyanyian atau disabuik jua [[sijobang]]<ref name="Phillips">{{Cite book |last=Phillips|first=N.|title=Sijobang: sung narrative poetry of West Sumatra|publisher=Cambridge University Press|date=1981|id= ISBN 978-0-521-23737-6}}</ref>, dalam randai ko tadapek seni paran badasarkan skenario<ref name="Pauka">{{Cite book |last=Pauka|first=K.|title=Theater and martial arts in West Sumatra: Randai and silek of the Minangkabau|publisher=Ohio University Press|date=1998|id= ISBN 978-0-89680-205-6}}</ref>.

[[Berkas:Talempong.jpg|thumb|left|150px|Sabuah patunjuakan kasenian [[talempong]], salah satu alek musik tokok tradisional Minangkabau.]]
 
Salain itu, Minangkabau juo manonjol dalam seni bakato-kato. Ado tigo genre seni bakato-kato, iyolah [[pasambahan]], [[indang]], jo [[salawat dulang]]. Seni bakato-kato atau basilek lidah, labiah mangamukokan kato sindiran, kiasan, ibaraik, [[alegori]], [[metafora]], jo [[aforisme]]. Dalam seni bakato-kato sasaurang diajakan untuak mampatahankan kahormatan jo harago diri, tanpa manggunokan sanjato jo kontak fisik.<ref>{{cite book|title=Masa Depan Seni Bersilat Lidah Minangkabau|last=Suryadi|first=|year=2010|publisher=[[Padang Ekspres]]|ref=Suryadi}}</ref>

=== Rumah Adaik ===
[[Berkas:Rumah Gadang.jpg|right|thumb|[[Rumah Gadang]] jo duo [[Rangkiang]] di mukonyo.]]
{{Utamo|Rumah Gadang}}
Rumah adaik Minangkabau disabuik jo ''Rumah Gadang'', nan biasonyo dibangun di ateh sabidang tanah miliak kaluarga induak dalam [[suku]] tasabuik sacaro turun tamurun.<ref>{{cite book|last=Graves|first=Elizabeth E.|title=Asal-usul Elite Minangkabau Modern: Respons Terhadap Kolonial Belanda Abad XIX/XX|year=2007|publisher=Yayasan Obor Indonesia|location=Jakarta|ISBN=978-979-461-661-1|ref=Graves2}}</ref> Rumah adaik iko dibuek babantuak ampek pasegi panjang nan tabagi ateh duo bagian muko jo balakang.<ref>{{cite book|last=Sayuti|first=Azinar|last2=Abu|first2=Rifai|Sistem Ekonomi Tradisional Sebagai Perwujudan Tanggapan Aktif Manusia Terhadap Lingkungan Daerah Sumatera Barat|year=1985|publisher=Departemen Pendidikan dan Kebudayaan, Proyek Inventarisasi dan Dokumentasi Kebudayaan Daerah|pages=202|ref=Sayuti}}</ref> Umumnyo babahan kayu, nan sapinteh nampak bak cando bantuak rumah pangguang jo atok nan khas, marunciang bak cando tanduak kabau nan biaso disabuik ''gonjong''<ref>{{cite book|last=Navis|first=A.A.|authorlink=A.A. Navis|title=Cerita Rakyat dari Sumatera Barat 3|publisher=Grasindo|ISBN=979-759-551-X|ref=Navis2}}</ref> nan daulunyo atok iko babahan ijuak sabalun baganti jo atok [[seng]]. Di laman muko Rumah Gadang, biasonyo didirian duo sampai anam buah ''[[Rangkiang]]'' nan digunokan sabagai tampek panyimpanan [[padi]] miliak kaluarga nan mauni Rumah Gadang tasabuik.

Hanyo kaum padusi basamo lakinyo basato anak-anak nan manjadi pauni Rumah Gadang, sadangkan laki-laki kaum tasabuik nan alah babini, manetap di rumah istrinyo. Kok laki-laki anggota kaum alun manikah, biasonyo lalok di surau. [[Surau]] biasonyo dibangun indak jauah dari komplek Rumah Gadang tasabuik, salain bafungsi sabagai tampek ibadah, juo bafungsi sabagai tampek tingga lalaki dewasa namun alun manikah.

Dalam budayo Minangkabau, indak sado kawasan buliah didirian ''Rumah Gadang''. Hanyo pado kawasan nan alah bastatus [[nagari]] sajo rumah adaik iko buliah ditagakkan. Dek karanonyo di babarapo daerah rantau Minangkabau saroman Riau, Jambi, Nagari Sembilan, pasisia barat Sumatera Utara jo Aceh, indak ditamui rumah adaik bagonjong.

=== Masakan khas ===
[[Berkas:Rendang daging sapi asli Padang.JPG|thumb|220px|right|[[Randang]] dagiang jawi nan tangah dihidangkan jo [[katupek]].]]
{{Utamo|Masakan Padang}}
Masyarakat Minang dikana jo baragam masakannyo. Jo citarasonyo nan padeh, mambuek masakan iko populer di kalangan masyarakaik [[Indonesia]], sahinggo dapek ditamui di ampiang sadoalah [[Nusantara]].<ref name="Rice93">{{cite book|last=Owen|first=Sri|title=The Rice Book|publisher=Doubleday|year=1993|isbn=0-7112-2260-6}}</ref> Di [[Malaysia]] jo [[Singapura]], masakan iko juo amaik disukoi, baitu pulo jo nagara-nagara lainnyo. Malah, seni mamasak nna dipunyo masyarakaik Minang juo lah bakambang di kawasan-kawasan lain sarupo [[Riau]], [[Jambi]], jo [[Negeri Sembilan]], [[Malaysia]]. Salah satu masakan tradisional Minang nan tanamo adolah [[Randang]], nan mandapek pangakuan dari saluruah dunia sabagai hidangan talamak.<ref>{{cite book|first=Sri|last=Owen|title=Indonesian Regional Food and Cookery Doubleday|location=London dan Sydney|year=1994|publisher=Frances Lincoln Ltd|ISBN=978-1862056787}}</ref><ref>{{cite web|url=http://www.cnngo.com/explorations/eat/readers-choice-worlds-50-most-delicious-foods-012321|title=World's 50 Most Delicious Foods by CNN GO|date=2011-09-07|accessdate=2012-05-18}}</ref> Masakan lainnyo nan khas antaro lain [[Asam Padeh]], [[Soto Padang]], [[Sate Padang]], jo [[Dendeng Balado]]. Masakan iko umumnyo dimakan langsuang jo tangan.

Masakan Minang manganduang bumbu [[rempah-rempah]] nan kayo, sarupo [[lado]], [[sarai]], [[Langkuweh|langkueh]], [[kunyik]], [[sipadeh]], [[bawang putiah]], jo [[bawang merah]]. Babarapo di antaronyo dikatahui punyo aktivitas antimikroba nan kuek, sahinggo indak maheranan jikok ado masakan Minang nan dapek batahan lamo.<ref>{{cite web|url=http://repository.ipb.ac.id/bitstream/handle/123456789/41871/BULETIN|first=Winiati|last=Pudji Rahayu|title=Aktivitas Antimikroba Bumbu Masakan Tradisional Hasil Olahan Industri Terhadap Bakteri Patogen Perusak}}{{Dead link|date=October 2022 |bot=InternetArchiveBot |fix-attempted=yes }}</ref> Pado hari-hari tatantu, masakan nan dihidangkan banyak nan babahan utamo [[dagiang]], tarutamo dagiang [[jawi]], dagiang [[kambiang]], jo dagiang [[ayam]].

Masakan iko labiah dikana jo ''[[Masakan Padang]]'', baitu pulo jo restoran atau rumah makan nan khusus manyajikannyo disabuik ''[[Restoran Padang]]''. Padahal dalam masyarakaik Minang itu surang, punyo karakteristik nan babedo dalam pamiliahan bahan jo proses mamasak, bagantuang kapado daerahnyo masing-masing.
[[Berkas:Pacu jawi joki bertahan.jpg|jmpl|239x239px|Pacu jawi]]

=== Olahraga ===
[[Pacuan kudo]] marupoan olahraga bakudo nan alah lamo ado di nagari-nagari Minang, jo sampai kini masih diselenggarakan dek masyarakaiknyo, sarato manjadi palombaan tahunan nan dilaksanokan pado kawasan nan mamiliaki lapangan pacuan kudo. Babarapo patandingan tradisional lainnyo nan masih dilestarikan jo manjadi hiburan bagi masyarakaik Minang antaro lain lomba [[pacu jawi]] jo [[pacu itiak]].

[[Sipak rago]], atau namo lainnyo ''sepak takraw'' adolah olahraga tradisional Minang nan dimainkan saketeknyo ampek atau limo urang nan mamakai bola nan tabuek dari anyaman rotan. Dalam olahraga ko bola disipak dari satinggi pinggang sampai satinggi kapalo dek sakalompok urang nan tagak balingka. Olahraga ko lah acok disingguang dalam hikayat, novel, atau film batema Minangkabau, sarupo film ''Sengsara Membawa Nikmat''.

Olahraga lain nan khas dek urang Minang ko iyolah [[Silek Minang|silek]], seni beladiri nan diwarihan sacaro turun tamurun. Urang Minangkabau nan biaso marantau, mambekali diri jo silek untuak manjago diri dari hal-hal buruak salamo di pajalanan atau di rantau, misanyo disarang atau dirampok. Salain untuak bekal pai marantau, silek pantiang untuak mampatahankan nagari dari anacaman lua. Seni beladiri ko mampunyoi gerakan nan basumber dari alam sarato ado baragam aliran silek, di antaronyo Silek Tuo, Silek Kumango, Silek Pauah, Silek Lintau, dan lain-lain.

== Sosial Masyarakaik ==
=== Pasukuan ===
{{Utamo|Daftar suku Minangkabau}}
Suku dalam tatanan Masyarakaik Minangkabau marupoan basis dari organisasi sosial, sakaligus tampek pataruangan kakuasoan nan fundamental. Pangaratian awal kato ''suku'' dalam [[Bahaso Minangkabau|bahaso Minang]] dapek bamukasuik ''saparampek'', sahinggo kok dikaikkan jo pandirian suatu [[nagari]] di [[Minangkabau]], dapek dikatokan sempurna apobilo alah tadiri dari komposisi ampek suku nan mauni kawasan tasabuik. Salanjuiknyo, satiok suku dalam tradisi Minang, diuruik dari garih katurunan nan samo dari pihak ibu, jo diyakini barasa dari satu katurunan niniak muyang nan samo.<ref name="Datuk"/>

Salain sabagai basis politik, suku marupoan basis dari unit-unit ekonomi. Kakayoan ditantukan dek kapamiliakan tanah keluarga, harato, jo sumber-sumber pamasuakan lainnyo nan kasadonyo itu dikana sabagai harato pusako. Harato pusako marupoan harato punyo basamo dari saluruah anggota kaum-keluarga. Harato pusako indak dapek dipajuabalikan jo indak dapek manjadi miliak pribadi. Harato pusako samacam dana jaminan basamo untuak malinduangi anggota kaum-keluarga dari kamiskinan. Kok ado anggota kaluargo nan mangalami kasulikan atau tatimpo musibah, mako harato pusako dapek digadaikan.

Suku tabagi-bagi ka dalam babarapo cabang kaluargo nan labiah ketek atau disabuik '''payuang'''. Adopun unit nan paliang ketek satalah ''sapayuang'' disabuik ''saparuik''. Sabuah ''paruik'' biasonyo tingga pado sabuah [[Rumah Gadang]] sacaro basamo-samo.<ref name="De Jong"/>

===Nagari===

[[Berkas:COLLECTIE TROPENMUSEUM Poserende Minangkabause mannen TMnr 10005045.jpg|thumb|left|Pakaian khas suku Minangkabau pado tahun 1900-an.]]
{{Utamo|Nagari}}
Daerah Minangkabau tadiri ateh banyak [[nagari]]. Nagari marupoan daerah otonom jo punyo tatinggi di Minangkabau. Indak ado kakuasoan sosial jo politik lainnyo nan dapek mancampuri [[Adaik Minangkabau|adaik]] di sabuah nagari. Nagari nan babedo ka mungkin bana punyo tipikal [[Adaik Minangkabau|adaik]] nan babedo. Tiok nagari dipimpin dek sabuah dewan nan tabantuak dari pamimpin suku dari sado suku nan ado di nagari tasabuik. Dewan iko disabuik jo [[Kerapatan Adat Nagari]] (KAN). Dari hasia musyawarah jo mufakaik dalam dewan ikolah sabuah putusan jo paraturan nan mangikek untuak nagari itu dihasiakan.

Faktor utamo nan manantukan dinamika masyarakaik Minangkabau adolah adonyo kompetisi nan konstan antar nagari, kaum-keluarga, jo individu untuak mandapekan status jo prestise.<ref>Graves (1981). hlm. 11.</ref> Dek karanonyo satiok kapalo kaum ka balomba-lomba maningkekan prestise kaum-keluarganyo jo mancari kakayoan (badagang) sarato manyikolahkan anggota kaum ka janjnag nan paliang tinggi.

Dalam tabantuaknyo suatu nagari sajak dahulunyo alah dikana dalam istilah papatah nan ado pado masyarakaik adaik Minang itu surang iyolah ''Dari Taratak manjadi Dusun, dari Dusun manjadi Koto, dari Koto manjadi Nagari, Nagari ba Panghulu''. Jadi dalam sistem administrasi pamarintahan di kawasan Minang dimulokan dari struktur tarandah disabuik jo ''Taratak'', kamudian bakambang manjadi ''Dusun'', kamudian bakambang manjadi ''Koto'' jo kamudian bakambang manjadi ''Nagari''. Biasonyo satiok nagari nan dibantuak minimal alah tadiri dari 4 suku nan mauni kawasan tasabuik.<ref name="Datuk"/> Salanjuiknya sabagai pusek administrasi nagari tasabuik dibangunlah sabuah ''Balai Adat'' sakaligus sabagai tampek patamuan dalam maambiak kaputusan basama para panghulu di nagari tasabuik.

=== Panghulu ===
{{Utamo|Pangulu|Datuak}}
[[Pangulu]] atau biaso nan digalaan jo [[datuak]], marupoan kapala kaum karabaik nan diangkek dek anggota kaluarga untuak maatur sado pamasalahan kaum. Panghulu biasonyo surang laki-laki nan tapiliah di antaro anggota kaum laki-laki lainnyo. Satiok kaum-karabaik ka mamiliah surang laki-laki nan pandai babicaro, bijaksano, jo tau jo adaik, untuak ado posisi iko. Hal iko dek inyo ka batangguang jawek manguruih sado harato pusako kaum, mambimbiang kamanakan, sarato sabagai wakil kaum dalam masyarakaik nagari. Satiok panghulu tagak sajajar jo panghulu lainnyo, sahinggo dalam rapek-rapek nagari sado suaro panghulu nan mawakili satiok kaum banilai samo.

Sairiang jo batambahnyo anggota kaum, sarato masalah jo konflik intern nan timbul, mako kadang-kadang dalam sabuah kaluarga posisi kapanghuluan iko dipacah manjadi duo. Atau sabaliaknyo, anggota kaum nan samakin saketek jumlahnyo, canduang ka manggabuangkan gala kapanghuluannyo kapado karabaik lainnyo nan sasuku.<ref>{{cite book|last=Stibbe|first=|authorlink=|coauthors=|title=Het Soekoebestuur in de Padangsche Bovenlanden|publisher=|year=1869|location=|url=|doi=|isbn=|page=33}}</ref> Hal iko mangakibaikkan barubah-ubahnyo jumlah panghulu dalam suatu nagari.

Punyo panghulu nan mawakili suaro kaum dalam rapek nagari, marupoan suatu prestise jo harago diri. Sahinggo satiok kaum ka bausaho sakueknyo nak punyo panghulu surang. Kaum-karabaik nan gala kapanghuluannyo alah lamo talipek, ka bausaha mambangkikan baliak posisinyo jo mancari kakayoan untuak "mambali" gala panghulunyo nan alah lamo tarandam. Batagak panghulu mamakan biayo nan cukuik maha, sahinggo takanan untuak managakkan panghulu salalu muncul dari kaluargo kayo.<ref>Graves (1981). hlm. 25.</ref>

===Karajaan===
[[Berkas:Pagaruyung palace.jpg|thumb|220px|left|[[Istano Basa Pagaruyuang]] sabuah legitimasi institusi karajaan Minangkabau.]]
{{Utamo|Karajaan Melayu|Dharmasraya|Karajaan Pagaruyuang}}
Dalam laporan [[Hubert Joseph Jean Lambert de Stuers|De Stuers]]<ref name="Stuers">{{cite book|last=De Stuers|first=Hubert Joseph Jean Lambert|authorlink=Hubert Joseph Jean Lambert de Stuers|coauthors=|title=Laporan Kepada Gubernur Jendral|publisher=|year=30 Agustus 1825|location=|url=|doi=|isbn=|page=33}} ''Exhibitum''. 24 Agustus 1826. No. 41.</ref> kapado pamarintah [[Hindia-Balando]], dinyatokan baso di daerah padalaman Minangkabau, indak pernah ado suatu kakuasoan pamarintahan tapusek di bawah saurang [[rajo]]. Tapi nan ado adolah nagari-nagari ketek nan bak cando pamarintahan polis-polis pado maso [[Yunani]] kuno.<ref>{{cite book|first=Robert Johnson|last=Bonner|coauthors=|title=Aspects of Athenian Democracy Vol. 11|publisher=University of California Press|year=1933|isbn=|pages=25-86|ref=Bonner}}</ref> Namun dari babarapo [[batu basurek]] nan ditamukan pado kawasan padalaman Minangkabau, sarato dari [[Tambo Minangkabau|tambo]] nan ado pado masyarakaik satampek, etnis Minangkabau pernah masuak dalam suatu sistem karajaan nan kuek jo daerah kakuasoannyo maliputi pulau Sumatera bahkan sampai [[Samananjuang Malaya]]. Babarapo karajaaan nan ado di wilayah Minangkabau antaro lain [[Karajaan Dharmasraya]], [[Karajaan Pagaruyuang]], jo [[Karajaan Inderapuro]].

Sistem karajaan iko masih ditamui di [[Negeri Sembilan]], salah satu kawasan jo komunitas masyarakaik Minang nan cukuik signifikan. Pado mulonyo masyarakaik Minang di nagari iko manjapuik surang putra ''[[Rajo Alam|Rajo Alam Minangkabau]]'' untuak manjadi [[rajo]] mareka , sabagaimano tradisi masyarakaik Minang sabalunnyo, co nan dicaritokan dalam [[Sulalatus Salatin]].

== Minangkabau Parantauan ==

Minangkabau parantauan marupoan istilah untuak urang Minang nan iduik di lua kampuang halamannyo. Marantau marupoan proses interaksi masyarakaik Minangkabau jo dunia lua. Kagiatan iko marupoan sabuah patualangan pangalaman jo geografis, jo maninggakan kampuang laman untuak mangadu nasib di nagari urang. Keluarga nan alah lamo punyo tradisi marantau, biasonyo punyo sudaro di hampia sado kota utamo di Indonesia jo Malaysia. Keluarga nan paliang kuek dalam mangambangkan tradisi marantau biasonyo datang dari kaluargo padagang-pangrajin jo panuntuik ilmu agamo.<ref>Graves (1981). hlm. 40.</ref>

Para parantau biasonyo alah pai marantau sajak usia balehan tahun, baiak sabagai padagang ataupun panuntuik ilmu. Bagi sabagian gadang masyarakaik Minangkabau, marantau marupoan sabuah caro nan ideal untuak mancapai kamatangan jo kasuksesan. Jo marantau indak hanyo harato kakayoan dan ilmu pangatahuan nan didapek, namun juo prestise jo kahormatan individu di tangah-tangah lingkuangan adaik.

Dari pancarian nan didapek, para parantau acok mangirimkan sabagian hasianyo ka kampuang laman untuak kamudian diinvestasikan dalam usaho keluarga, yakni jo mampalaweh kapamiliakan sawah, mamaciak kandali pangolahan lahan, atau manjapuik sawah-sawah nan tagadai. Pitih dari para parantau acok juo dipagunokan untuak mameloki sarana-sarana nagari, umpamonyo musajik, jalan, ataupun pamatang sawah.

===Jumlah Parantau===
{| class="wikitable sortable" style="float: right; margin: .5em 0 .5em 1em;"
|-
|+'''Kota tabanyak diuni parantau Minang'''
|- style="background-color:#f2f2f2;text-align:center;"
|'''Kota'''
|'''Jumlah (2010)'''<ref name=sensus2010>{{cite web|publisher=[[Badan Pusat Statistik]]|url=http://www.bps.go.id/aboutus.php?sp=0&kota=31|title=Tabel Hasil Sensus Penduduk 2010 Provinsi DKI Jakarta|accessdate=2012-03-11}}</ref>
|'''Persentase'''<sup>1</sup>
|-----
| [[Pekanbaru]] || align="center" | 343.121 || align="center" | 37,96%
|-----
| [[Jakarta]] || align="center" | 305.538  || align="center" | 3,18%
|-----
| [[Seremban]] || align="center" | 282.971  || align="center" | 50,9%<ref>{{cite web|title=Key Summary Statistics For Local Authority Areas, Malaysia 2010|url=http://www.statistics.gov.my/portal/download_Population/files/population/03ringkasan_kawasan_PBT_Jadual1.pdf|accessdate=2012-06-14|archive-date=2015-02-05|archive-url=https://web.archive.org/web/20150205090002/http://www.statistics.gov.my/portal/download_Population/files/population/03ringkasan_kawasan_PBT_Jadual1.pdf|dead-url=yes}}</ref>
|-----
| [[Medan]] || align="center" | 181.403 || align="center" | 8,6%
|-----
| [[Batam]] || align="center" | 169.887 || align="center" | 14,93%
|-----
| [[Palembang]] || align="center" | 103.025 || align="center" | 7,1%
|-
| [[Bandung]] || align="center" | 101.729 || align="center" | 4,25%
|-
| [[Bandar Lampung]] || align="center" | 74.071 || align="center" | 8,4%
|-
| [[Tanjung Pinang]] || align="center" | 26.249 || align="center" | 14,01%
|-
| [[Banda Aceh]] || align="center" | 13.606 || align="center" | 7,8%
|-
| [[Singapura]] || align="center" | 2.073 || align="center" | 0,04%
|-
| colspan="3" | <small><sup>1</sup> Persentase dari keseluruhan populasi kota</small><ref>Badan Pusat Statistik, Sensus 2000.</ref><ref name="Naim"/>
|}

Etos marantau urang Minangkabau amaiklah tinggi, bahkan dipakiroan tatinggi di Indonesia. Dari hasia studi nan parnah dilakukan dek [[Mochtar Naim]], pado taun 1961 ado kiro-kiro 32% urang Minang nan badomisili di lua Sumatera Barat. Kamudian pado taun 1971 jumlah tu maningkek manjadi 44%.<ref name="Naim">{{cite book|last=Naim|first=Mochtar|title=Merantau, Minangkabau Voluntary Migration|publisher=University of Singapore}}</ref> Badasarkan sensus taun [[2010]], etnis Minang nan tingga di Sumatera Barat bajumlah 4,2 juta jiwa, jo pakiroan hampia saparuah urang Minang ado di parantauan. Mobilitas migrasi urang Minangkabau jo proporsi gadang tajadi dalam rantang antaro taun 1958 sampai taun 1978, dimano labiah 80% parantau nan tingga di kawasan rantau alah maninggakan kampuang halamannyo salapeh maso kolonial [[Balando]].<ref name="Kato">{{cite book|title=Adat Minangkabau dan Merantau dalam Perspektif Sejarah|last=Kato|first=Tsuyoshi|authorlink=|coauthors=|year=2005|publisher=Balai Pustaka|location=|isbn=979-690-360-1|pages=|url=|accessdate=}}</ref>

Namun indak ado angko pasti manganai jumlah urang Minang di parantauan. Angko-angko nan ditampilkan dalam paretongan, biasonyo hanyo mamasuakan para parantau kalahiran Sumatera Barat. Namun alun mancakuik katurunan-katurunan Minang nan alah babarapo generasi manatap di parantauan.

Para parantau Minang, hampia kasadonyo barado di kota-kota gadang Indonesia jo Malaysia. Di babarapo pakotaan, jumlah mareka cukuik signifikan dan bahkan manjadi pihak mayoritas. Di [[Pakanbaru]], parantau Minang bajumlah 37,96% dari saluruah panduduak kota, dan manjadi etnis tagadang di kota tasabuik.<ref>{{cite web|title=Peran Budaya Melayu dan Kewirausahaan|url=http://bappeda.pekanbaru.go.id/artikel/1/peran-budaya-melayu-dan-kewirausahaan/page/2/|work=Bappeda Kota Pekanbaru|date=|accessdate=|archive-date=2014-04-07|archive-url=https://web.archive.org/web/20140407100152/http://bappeda.pekanbaru.go.id/artikel/1/peran-budaya-melayu-dan-kewirausahaan/page/2/|dead-url=yes}}</ref> Jumlah iko alah mangalami panurunan jikok dibandiangkan jo taun 1971 nan mancapai 65%.<ref>{{cite book|title=Recreating a Vision. Daratan and Kepulauan in Historical Context|last=Andaya|first=Barbara Watson|authorlink=|coauthors=|year=1997|pages=503|url=|accessdate=|ref=Barbara}}</ref>

===Galombang Rantau===
[[Marantau]] pado etnis Minang alah balansuang cukuik lamo. Sijarah mancataik [[migrasi]] partamo tajadi pado abaik ka-7, di mano banyak padagang-padagang ameh nan barasa dari padalaman Minangkabau malakukan padagangan di muaro [[Kota Jambi|Jambi]], dan talibaik dalam pambantuakan [[Karajaan Malayu]].<ref>{{cite book|last=Munoz|first=Paul Michel|authorlink=|coauthors=|title=Early Kingdoms of the Indonesian Archipelago and the Malay Peninsula|publisher=|year=2006|location=|url=|doi=|isbn=|pages=|ref=Munoz}}</ref> Migrasi gadang-gadangan tajadi pado abaik ka-14, dimano banyak kaluarga Minang nan bapindah ka pasisia timur Sumatera. Mareka mandirikan koloni-koloni dagang di [[Kabupaten Batubara|Batubara]], [[Kabupaten Pelalawan|Pelalawan]], hinggo manyubarangi salaik ka [[Penang]] dan [[Negeri Sembilan]], [[Malaysia]]. Basamoan jo galombang migrasi ka arah timur, juo tajadi papindahan masyarakaik Minang ka pasisia barat Sumatera. Di sapanjang pasisia iko parantau Minang banyak bamukim di [[Meulaboh]], [[Aceh]] tampek katurunan Minang dikana jo sabuiktan [[Aneuk Jamee]]; [[Barus, Tapanuli Tengah|Barus]], [[Kota Sibolga|Sibolga]], [[Natal, Mandailing Natal|Natal]], [[Bengkulu]], hinggo [[Lampung]].<ref>{{cite book|last=Dobbin|first=Christine|title=Gejolak Ekonomi, Kebangkitan Islam, dan Gerakan Paderi, Minangkabau 1784–1847|ref=Dobbin}}</ref> Salapeh [[Kasultanan Malaka]] jatuah ka tangan [[Portugis]] pado taun 1511, banyak kaluarga Minangkabau nan bapindah ka [[Sulawesi Selatan]]. Mareka manjadi pandukuang [[karajaan Gowa]], sabagai padagang jo administratur karajaan. Datuak Makotta basamo istrinyo Tuan Sitti, sabagai cikal bakal kaluarga Minangkabau di Sulawesi.<ref>{{cite web|url=http://www.rajaalihaji.com/id/article.php?a=YURIL3c%3D=|title=Melayu-Bugis-Melayu dalam Arus Balik Sejarah|publisher=www.rajaalihaji.com|date=2008-12-24|accessdate=2011-07-22|archive-date=2021-02-15|archive-url=https://web.archive.org/web/20210215145304/http://www.rajaalihaji.com/id/article.php?a=YURIL3c%3D=|dead-url=yes}}</ref> Galombang migrasi barikuiknyo tajadi pado abaik ka-18, iyolah katiko Minangkabau mandapek hak istimewa untuak mandiami kawasan [[Karajaan Siak]].

Pado maso panjajahan Hindia-Balando, migrasi gadang-gadangan tajadi baliak pado taun 1920, katiko pakabunan [[tembakau|timbakau]] di [[Deli Serdang]], [[Sumatera Timur]] mulai dibuka. Pado maso [[Kamerdekaan Indonesia|kamerdekaan]], Minang parantauan banyak mandiami kota-kota gadang di [[Jawa]], pado taun 1961 jumlah parantau Minang tarutamo di kota Jakarta maningkek 18,7 kali dibandiangkan jo tingkek patambahan panduduak kota itu nan hanyo 3,7 kali,<ref>{{cite book|title=Religion, Politics, and Economic Behaviour in Java: The Kudus Cigarette Industry|last=Castles|first=Lance|authorlink=|coauthors=|year=1967|publisher=Yale University|location=|isbn=|pages=|url=|accessdate=|ref=Castles}}</ref> dan pado taun 1971 etnis iko dipakirokan alah bajumlah kurang labiah 10% dari jumlah panduduak Jakarta wakatu itu.<ref name="Syam"/> Kini Minang parantauan hampia tasebar di saluruah dunia.

===Parantauan Intelektual===
Pado akhia abaik ka-18, banyak palajar Minang nan marantau ka [[Makah]] untuak mandalami agamo Islam, di antaronyo Haji Miskin, [[Haji Piobang]], jo [[Haji Sumanik]]. Satibonyo di tanah aia, mareka manjadi panyokong kuek gerakan [[Parang Pidari|Pidari]] dan manyebarlawehkan pamikiaan Islam nan murni di saluruah Minangkabau jo [[Suku Mandailing|Mandailing]]. Galombang kaduo parantauan ka Timur Tangah tajadi pado mulo abaik ka-20, nan dimotori dek [[Abdul Karim Amrullah]], [[Syeikh Tahir Jalaluddin Al-Azhari|Tahir Jalaluddin]], [[Muhammad Jamil Jambek]], jo [[Syekh Ahmad Khatib Al-Minangkabawi|Ahmad Khatib Al-Minangkabawi]].

Salain ka Timur Tangah, pelajar Minangkabau banyak juo nan marantau ka [[Eropa]]. Di antaronyo [[Abdoel Rivai]], [[Mohammad Hatta]], [[Sutan Syahrir]], [[Roestam Effendi]], jo [[Mohammad Amir]]. Intelektual lain, [[Tan Malaka]], iduik mangambaro di salapan nagara Eropa jo Asia, mambangun jaringan pagerakan kamerdekaan Asia. Sado pelajar Minang tasabuik, nan marantau ka Eropa sajak akhia abaik ka-19, manjadi pajuang kamerdekaan dan pandiri Republik Indonesia.<ref>{{cite book|last=Poeze|first=Harry A.|title=In Het Land van de Overheerser: Indonesiër in Nederland 1600-1950|ref=Poeze}}</ref>

===Sabab Marantau===
====Faktor Budaya====
Ado banyak panjalehsan tahadok fenomena iko, salah satu panyababnyo dek sistem kakarabaikan matrilineal. Jo sistem iko, panguasoan harato pusako dipacik dek kaum padusi sadangkan hak kaum lalaki dalam hal iko cukuik ketek. Salain itu, salapeh maso akil baliah para pamudo indak lai dapek lalok di rumah urang gaeknyo, karano rumah hanyo dipakai untuak kaum padusi basarato lakinyo, jo anak-anak.

Para parantau nan pulang ka kampuang  halaman, biasonyo ka mancaritoaan pangalaman marantau kapado anak-anak kampuang. Daya tariak kahidupan para parantau ikolah nan sangaik bapangaruah di kalangan masyarakaik Minangkabau sajak ketek. Siapo pun nan indak pernah mancubo pai marantau, mako inyo akan salalu disindia dek kawan-kawannyo.<ref>{{cite book|last=Radjab|first=Muhammad|authorlink=|coauthors=|title=Semasa Ketjil di Kampung (1913-1928): Autobiografi Seorang Anak Minangkabau|publisher=Balai Pustaka|year=1950|location=Jakarta|url=|doi=|isbn=|page=|ref=Radjab}}</ref> Hal ikolah nan manyababkan kaum lalaki Minang mamiliah untuak marantau. Kini wanita Minangkabau pun alah lazim marantau. Indak hanyo karano alasan sato jo laki, tapi juo karano ciinan badagang, maniti karier jo malanjuikan pendidikan.

Manuruik [[Rudolf Mrazek]], sosiolog [[Balando]], duo tipologi budayo Minang, yakni dinamisme jo anti-parokialisme malahiakan jiwa merdeka, kosmopolitan, egaliter, jo bapandangan laweh, hal iko manyababkan tatanamnyo budayo marantau pado masyarakaik Minangkabau.<ref>{{cite web|url=http://www.antara-sumbar.com/id/index.php?sumbar=perspektif&j=&id=1|title=Prof. Dr. H. Ahmad Syafii Ma'arif, Satu Nomor Contoh Produk Tradisi Merantau|publisher=[[Lembaga Kantor Berita Nasional Antara|ANTARA]]|date=2008-11-05|accessdate=2011-07-22|archive-date=2011-07-07|archive-url=https://web.archive.org/web/20110707145704/http://www.antara-sumbar.com/id/index.php?sumbar=perspektif&j=&id=1|dead-url=yes}}</ref> Samangaik untuak mangubah nasib jo mangaja ilmu dan kakayoan, sarato papatah Minang nan mangatokan ''Karatau madang dahulu, babuah babungo alun, marantau bujang dahulu, di rumah paguno balun'' (labiah ancak pai marantau dek di kampuang balun baguno) mangakibaikkan pamudo Minang untuak pai marantau sajak mudo.
[[Berkas:Bamboofabric.png|thumb|right|200px|Salah satu motif tenun [[songket]] Minangkabau khas nagari [[Pandai Sikek, Sepuluh Koto, Tanah Datar|Pandai Sikek]].]]

====Faktor Ekonomi====
{{utamo|Padagang Minangkabau}}
Panjalehsan lain adolah patumbuahan panduduak nan indak diiriangi jo batambahnyo sumber dayo alam nan dapek diolah. Jikok dulu hasia patanian jo pakabunan, sumber utamo tampek mareka iduik dapek mangiduiki keluarga, mako kini hasia sumber dayo alam nan manjadi panghasiaan utamo mareka itu tak cukuik lai mambari hasia untuak mamanuahi kabutuahan basamo, dek musti dibagi jo babarapo keluarga. Salain itu adolah tumbuhnyo kasampatan baru jo dibukanyo daerah parak jo patambangan. Faktor-faktor ikolah nan kudian mandorong urang Minang pai marantau mangadu nasib di nagari urang. Untuak kadatangan patamonya ka tanah rantau, biasonyo para parantau manatap talabiah dahulu di rumah [[dunsanak]] nan dianggap sabagai induak samang. Para parantau baru iko biasonyo baprofesi sabagai padagang ketek.

Salain itu, paekonomian masyarakaik Minangkabau sajak dulunyo alah ditopang jo kamampuan badagang, taUtamo untuak mandistribusikan hasia bumi mareka. Kawasan padalaman Minangkabau, sacaro [[geologi]]s punyo cadangan bahan baku utamonyo [[ameh]], [[timbago]], [[timah]], [[seng]], [[merkuri]], jo [[basi]], sado bahan tasabuik alah mampu diolah dek mareka.<ref>{{cite book|last=Van R.W.|first=Bemmelen|authorlink=|coauthors=|title=The Geology of Indonesia|publisher=The Haque|year=1970|location=|url=|doi=|isbn=|page=|ref=Bemmelen}}</ref> Sahinggo juluakan ''suvarnadvipa'' (pulau ameh) nan muncul pado carito legenda di [[India]] sabalun Masehi, kamungkinan dirujuak untuak pulau Sumatera dek karano hal iko.<ref>{{cite book|last=P.|first=Wheatley|authorlink=|coauthors=|title=The Golden Khersonese|publisher=|year=1961|location=Kuala Lumpur|url=|doi=|isbn=|pages=177-184|ref=Wheatley}}</ref>

Padagang dari [[Jazirah Arab|Arab]] pado abaik ka-9, alah malaporkan baso masyarakaik di pulau Sumatera alah manggunokan sajumlah ameh dalam padagangannyo. Kamudian dilanjuikkan pado abaik ka-13 dikatahui ado rajo di Sumatera nan manggunokan mahkota dari ameh. [[Tomé Pires]] kiro-kiro abaik ka-16 manyabuikan, baso ameh nan dipadagangkan di Malaka, Panchur (Barus), Tico (Tiku) jo Priaman (Pariaman), barasa dari kawasan padalaman Minangkabau. Disabuikan juo kawasan Indragiri pado sahiliaan [[Batang Kuantan]] di pasisia timur Sumatera, marupoan pusek palabuahan dari rajo Minangkabau.<ref>{{cite book|last=A.|first=Cortesao|authorlink=|coauthors=|title=The [[Suma Oriental]] of Tome Pires|year=1944|publisher=Hakluyt Society|location=London|url=|doi=|isbn=|ref=Cortesao}}</ref>

Dalam batu basurek nan ditinggakan dek [[Adityawarman]] disabuik baso baliau adolah panguaso bumi ameh. Hal ikolah manjadi salah satu panyabab, mandorong [[Balando]] mambangun palabuahan di [[Kota Padang|Padang]]<ref>{{cite book|last=W.|first=Marsden|authorlink=|coauthors=|title=The History of Sumatra|year=1811|publisher=|location=London|url=|doi=|isbn=|pages=|ref=Marsden}}</ref> dan sampai pado abaik ka-17 Balando masih manyabuik ''nan manguasoi ameh'' kapado rajo [[Karajaan Pagaruyuang|Pagaruyuang]].<ref>{{cite book|last=NA, VOC|first=|authorlink=|coauthors=|title=Mission to Pagaruyung|year=1277|publisher=|location=|url=|doi=|isbn=|pages=|ref=VOC}} Fols. 1027r-v.</ref> Kamudian maminta Thomas Diaz untuak manyalidiaki hal tasabuik, dari laporannyo liau mamasuaki padalaman Minangkabau dari pasisia timur Sumatera dan baliau bahasia basuo jo salah surang rajo Minangkabau wakatu itu (Rajo Buo), dan rajo itu manyabuikan baso salah satu karajo masyarakaiknyo adolah pandulang ameh.<ref>{{cite book|last=De Haan|first=F.|authorlink=|coauthors=|title=Naar Midden Sumatra in 1684|year=1896|publisher=Albrecht & Co|location=Batavia|url=|doi=|isbn=|pages=|ref=De Haan}}</ref>

Samantaro itu dari catatan para geologi Balando, pado sahiliaan [[Batanghari]] dijumpoi 42 tampek bakeh panambangan ameh jo kadalaman mancapai 60 m sarato di [[Kurinci]] wakatu itu, mareka masih basobok jo para pandulang ameh.<ref>{{cite book|last=A.|first=Tobler|authorlink=|coauthors=|title=Djambi-Verslag|year=1911|publisher=Verhandelingen|location=Jaarboek van het Minjwezen in Nedelandsch Oost-Indie|url=|doi=|isbn=|pages=|ref=Tobler}} XLVII/3.</ref> Sampai abaik ka-19, legenda akan kanduangan ameh padalaman Minangkabau, masih mandorong [[Stamford Raffles|Raffles]] untuak mambuktikannyo, sahinggo baliau tacataik sabagai urang Eropa patamo nan bahasia mancapai [[Pagaruyung, Tanjung Emas, Tanah Datar|Pagaruyuang]] malalui pasisia barat Sumatera.<ref>{{cite book|last=Raffles|first=Sophia|authorlink=|coauthors=|title=Memoir of the Life and Public Services of Sir Thomas Stamford Raffles|year=1830|publisher=J. Murray|location=London|url=|doi=|isbn=|pages=|ref=Sophia}}</ref>

====Faktor Parang====
{{Utamo|Parang Padri|Pamarintahan Revolusioner Republik Indonesia}}
[[Berkas:Tuanku Imam Bonjol.jpg|thumb|left|150px|[[Tuanku Imam Bonjol]], salah saurang pamimpin [[Parang Padri]], nan diilustrasikan dek [[Hubert Joseph Jean Lambert de Stuers|de Stuers]].]]
<blockquote class="toccolours" style="text-align:justify; width:30%; margin:0 0em 1em .25em; float:right; padding: 10px; display:table; margin-left:10px;">"Urang Minang marupoan masyarakaik nan gelisah, jo tradisi pambarontakan sarato palawanan nan panjang. Salalu maraso bangga jo palawanan mareka tahadok kakuatan lua, baiak dari Jawa maupun Eropa".<ref name="Kahin"/><p style="text-align: right;">— Pandapaik dari [[Audrey R. Kahin]].</blockquote>
Babarapo paparangan juo manimbulkan galombang papindahan masyarakaik Minangkabau taUtamo dari daerah konflik, salapeh [[Parang Padri]],<ref name="Nain"/> muncul [[Pambarontakan di Pantai Barat Sumatera (1841)|pambarontakan di Batipuh]] manantang tanam paso Balando, disusul pambarontakan [[Siti Manggopoh]] dalam [[Parang Belasting]] manantang ''belasting'' jo pambarontakan komunis taun 1926–1927.<ref name="Kahin">{{cite book|last=Kahin|first=Audrey R.|authorlink=|coauthors=|title=Dari Pemberontakan ke Integrasi: Sumatera Barat dan Politik Indonesia, 1926-1998|year=2005|publisher=Yayasan Obor Indonesia|location=|url=|doi=|ISBN=978-979-461-519-5|pages=|ref=Kahin}}</ref> Salapeh kamerdekaan muncul [[PRRI]] nan juo manyababkan timbulnyo eksodus gadang-gadangan masyarakaik Minangkabau ka daerah lain.<ref name="Syam">{{cite book|last=Syamdani|first=|authorlink=|coauthors=|title=[[PRRI]], Pemberontakan atau Bukan|year=2009|publisher=Media Pressindo|location=|url=|doi=|ISBN=978-979-788-032-3|pages=}}</ref> Dari babarapo palawanan jo paparangan iko, manampakkan karakter masyarakaik Minang nan indak manyukoi panindasan. Mareka ka malakukan palawanan jo kakuatan fisik, namun jikok indak talok mareka labiah mamiliah pai maninggakan kampuang laman ([[marantau]]). [[Urang Sakai]] badasakan carito turun tamurun dari para tatuonyo manyabuikan baso mareka barasa dari Pagaruyuang.<ref>{{cite book|last=Suparlan|first=Parsudi|title=|edition=|year=1995|publisher=|location=|doi=|pages=73|ref=Suparlan}}</ref> [[Suku Kubu|Urang Kubu]] manyabuik baso urang dari Pagaruyuang adolah saudaro mareka. Kamungkinan masyarakaik tarasiang iko tamasuak masyarakaik Minang nan malakukan resistansi jo  maninggakan kampuang laman mareka dek karano indak amuah manarimo parubahan nan tajadi di nagari mareka. [[Hubert Joseph Jean Lambert de Stuers|De Stuers]] sabalunnyo malaporan juo baso masyarakaik ''[[Dataran Tinggi Padang|Padangsche Bovenlanden]]'' sangaik babedo jo masyarakaik di Jawa, di Pagaruyuang liau manyaksikan masyarakaik satampek baitu pacayo diri dan indak minder jo urang Eropa. Balliau marasokan surang, panduduak lokal lalu lalang baitu sajo dihadokannyo tanpa liau mandapek pAlakuan istimewa, malah ado panduduak lokal mamintak rokoknyo, sarato mamintak liau manyuluikan api untuak rokok tasabuik.<ref name="Stuers"/>

===Marantau dalam Sastra===
Fenomena marantau dalam masyarakaik Minangkabau, tanyato acok manjadi sumber inspirasi bagi para pakarajo seni, tarutamo sastrawan. [[Hamka]], dalam novelnyo ''Merantau ke Deli'', bacarito soal pangalaman iduik parantau Minang nan pai ka [[Deli]] dan manikah jo padusi Jawa. Novelnyo nan lain ''[[Tenggelamnya Kapal Van der Wijck]]'' juo bacarito soal kisah anak parantau Minang nan pulang kampuang. Di kampuang, inyo manghadapi kandalo dek masyarakaik adaik Minang nan marupoan ''induk bako''nyo surang. Salain novel karya Hamka, novel karya [[Marah Rusli]], ''[[Sitti Nurbaya]]'' jo ''[[Salah Asuhan]]''nyo [[Abdul Muis]] juo mancaritokan kisah parantau Minang. Dalam novel-novel tasabuik, dikisahkan manganai pasingguangan pamudo parantau Minang jo adaik budayo Barat. Novel ''[[Negeri 5 Menara]]'' karya [[Ahmad Fuadi]], mangisahkan parantau Minang nan baraja di pasantren Jawa jo akhianyo manjadi urang nan barasia. Dalam bantuak nan babedo, lewat karyanyo nan bajudul ''Kemarau'', [[A.A Navis]] mangajak masyarakaik Minang untuak mambangun kampuang halamannyo nan banyak di tingga pai marantau.

Novel nan bacarito soal parantau Minang tasabuik, biasonyo baisi kritik sosial dari panulih kapado adaik budayo Minang nan kolot jo tatingga. Salain dalam bantuak novel, kisah parantau Minang juo dikisahkan dalam film ''[[Merantau (film)|Merantau]]'' karya sutradara [[Inggirih]], [[Gareth Evans (sutradara)|Gareth Evans]].

==Kumpulan sub-etnik==
===Minangkabau di Pantai Barat Sumatra===
{{Utamo|Suku Aneuk Jamee|Suku Pasisia|Urang Mukomuko}}
Kawasan pantai barat Sumatera alah barabaik-abaik manjadi wilayah rantau urang Minangkabau. Salain Pariaman, Pasaman, jo Pasisia Selatan nan talatak di Sumatera Barat, urang Minang alah marantau jauah ka Aceh, Tapanuli, jo Bengkulu. Dek urang asali daerah tu, urang Minang ko disabuik jo panggilan Aneuk Jamee (Aceh), Suku Pasisia (Tapanuli), jo Mukomuko (Bengkulu).

'''Aneuk Jamee''' marupoan kalompok nan ado di sapanjang pasisia barat [[Nanggroe Aceh Darussalam|Aceh]]. Dari segi bahaso, mareka masih ba[[bahaso Minangkabau]] dialek Aneuk Jamee. Manuruik sijarah, mareka barasa dari pasisia Ranah Minang nan pado wakatu itu masih dalam kuaso Kasultanan Aceh. Urang Aceh manyabuik mareka sabagai ''Aneuk Jamee'' nan baarati 'anak tamu' atau 'pandatang'.<ref>M. J. Melalatoa, Ensiklopedi Suku Bangsa di Indonesia, Departemen Pendidikan dan Kebudayaan RI, 1995</ref> Umumnyo mareka tingga di sakaliliang Kabupaten Aceh Barat Daya, Aceh Selatan, Nagan Rayo, jo sabagian kaciak di sakaliliang Meulaboh, Aceh Barat.

'''Suku Pasisia''' (disabuik ''Ughang Pasisia'' atau ''Suku Pesisir'') adolah sabuah kalompok masyarakaik nan taseba di pasisia barat [[Sumatera Utara]], iyolah [[Sibolga Kota, Sibolga|Sibolga]] jo [[Kabupaten Tapanuli Tangah|Tapanuli Tangah]]. Urang Pasisia marupokan panduduak Minangkabau nan bamigrasi ka Tapanuli sajak abaik ka-14 dan alah bacampua jo urang [[Melayu]], [[Urang Mandailing|Mandailing]], jo [[Urang Batak|Batak Toba]]. Panamoan 'Suku Pasisia' untuak kalompok ko indak panah dikenal inggo akhia abaik ka-20. Istilah iko dipakai untuak mambedakan kalompok masyarakaik di pasisia barat Sumatera Utara jo masyarakaik Batak di padalaman. Manuruik ruang geografis etnisitas nan disusun dek Collet (1925), Cunningham (1958), Reid (1979) jo Sibeth (1991), di pasisia barat Sumatera Utara ado kalompok masyarakaik nan bukan bagian dari etnis Batak'''.<ref>Daniel Perret, Kolonialisme dan Etnisitas, Batak dan Melayu di Sumatera Timur Laut, École Franc̦aise d'Extrême-Orient, 1995</ref>'''

'''Urang Mukomuko''' marupokan bagian dari rumpun Minangkabau nan mauni [[Kabupaten Mukomuko|Mukomuko]] jo [[Kabupaten Bengkulu Utara|Bengkulu Utara]], [[Bengkulu]].<ref>Agus Setiyanto, Elite Pribumi Bengkulu: Perspektif Sejarah Abad ke-19, Balai Pustaka, 2001</ref> Sacaro adaik, budaya, jo bahaso, Mukomuko dakek jo urang [[Kabupaten Pesisir Selatan|Pasisia Selatan]] di [[Sumatera Barat]].<ref>Suwarno, Sintaksis Bahasa Muko-Muko, 1993</ref> Dahulu daerah Mukomuko tamasuak daerah ''Riak nan Berdebur'' yakni daerah sapanjang Pasisia Pantai Barat dari Padang inggo Bengkulu Selatan. Namun wilayah Mukomuko sajak maso kolonial Inggirih alah dimasuakan ka dalam administratif Bengkulu (''Bengkulen''). Sajak wakatu itu urang Mukomuko alah bapisah dari sarumpunnyo di daerah Sumatera Barat dan manjadi bagian integral dari wilayah Bengkulu. Hal iko balangsuang taruih pado maso panjajahan Ulando, Japang, inggo maso kamardekaan.

===Minangkabau di Riau===
{{Utamo|Urang Ocu|Urang Kuantan}}
'''Urang Kampar''' atau disabuik ''Ughang Kampar'' manuruik dialek Ocu ([[Kampar]]), marupoan kalompok nan tingga di [[Kabupaten Kampar]], [[Riau]] nan manggunokan ''bahaso Ocu'' (Salah satu dialek bahaso Minang di Kampar). Istilah lain nan marujuak ka namo kalompok iko adolah '''Ughang Ocu'''.<ref>{{Cite web |url=http://pustaka-arsip.kamparkab.go.id/berita-budaya-kampar-riau.html |title=archive copy |access-date=2019-01-27 |archive-date=2018-07-03 |archive-url=https://web.archive.org/web/20180703133349/http://pustaka-arsip.kamparkab.go.id/berita-budaya-kampar-riau.html |dead-url=yes }}</ref> Kato ''Ocu'' bagi masyarakaik Kampar dipagunokan untuak manyabuik anak ka ampek baiak itu laki-laki atau padusi jo sataruihnyo disabuik baitu. Kamungkinan gadang kato tasabuik barasa dari kato ''Onsu'' nan punyo arati ''Bonsu''.

Mareka dapek ditamukan juo di sabagian gadang daerah Riau, sarupo Siak, Bengkalis, Ujung Batu, Pelalawan, Selat Panjang, jo lain-lain. Salain itu masyarakaik Kampar banyak bamukim di Malaysia co di Kuantan (Pahang), Sabak Bernam, Teluk Intan, jo Nagari Sembilan.

Ado 3 pandapaik manganai ''Ughang Ocu'' iko. Pandapaik partamo mangatokan baso ''Ughang Ocu'' marupoan urang Minang jo bahkan barasa dari Sumatera Barat. Hal iko dek adaik, bahaso, budayo, sistem pamarintahan, jo gaya bangunan nan lai samo. Pandapaik kaduo mangatokan ''Ughang Ocu'' marupoan urang Melayu Daratan. Pandapaik katigo, umumnyo barasa dari ''Ughang Ocu'' itu surang, mangatokan baso urang Kampar itu suku banso surang, bukan Minang juo bukan [[Urang Malayu|Melayu]].<ref>{{Cite web |url=http://kampungrison.wordpress.com/2008/07/30/ocu-sebuah-perkenalan/ |title=archive copy |access-date=2013-04-30 |archive-date=2018-07-03 |archive-url=https://web.archive.org/web/20180703133257/https://kampungrison.wordpress.com/2008/07/30/ocu-sebuah-perkenalan/ |dead-url=yes }}</ref>

'''Urang Kuantan''' marupoan kalompok nan tingga di [[Kabupaten Kuantan Singingi]], [[Riau]]. Sacaro adaik, bahaso, jo budayo masih ado pasamoan jo urang Minang nan tingga di wilayah Sumatra Barat, khususnyo jo [[Kabupaten Sijunjung|Sijunjuang]] nan babatehan lansuang jo daerah Kuantan. Kuantan Singgingi daulu marupokan daerah rantau dari Luhak Tanah Data nan banamo Rantau Nan Kurang Aso Duo Puluah. Sarupo jo urang Ocu, ado kontroversi manganai urang Kuantan nan tamasuak dalam Rumpun Minangkabau.

=== Minangkabau di Malaysia ===
{{Utamo|Minangkabau di Malaysia}}Urang Minangkabau banyak nan alah lamo turun tamurun bamukim di [[Semenanjung Malaya]], Malaysia. Paliang banyak mauni Nagari Sambilan. Pado mulonyo abaik ka-14, urang-urang Minangkabau datang ka [[Negeri Sembilan]] malalui [[Melaka]] hinggo sampai ka [[Rembau]]. Urang Minangkabau iko hiduik basomo jo panduduak asa yaitu, [[Orang Asli]] sacaro damai. Dek itu tajadilah panikahan antaro urang-urang Minangkabau jo panduduak asli jo katurunan mareka dinamokan suku Biduanda. Suku Biduanda iko adolah pawaris utamo Nagari Sembilan jo apobilo nak mamiliah surang pamimpin mako hanyo mareka dari suku Biduanda ikolah nan ka dipilih. Urang-urang Minangkabau nan datang kamudian adolah dari suku kampuang-kampuang asa mareka di Minangkabau. Pado galombang awal kabanyakan nan tibo adolah dari Tanah Datar jo Payakumbuh.

Dari suku Biduanda ikolah asanyo urang-urang basa Nagari Sambilan nan dipanggia [[panghulu]] nan kudiannyo diistilahkan manjadi ''Undang''. Sabalun ado institusi [[Yang di-Pertuan Besar Negeri Sembilan|Yang di-Pertuan Besar]], Nagari Sembilan ado di bawah naungan Karajaan Melayu Johor.

Komunitas Minangkabau lainnyo di Malaysia iyolah '''Urang Rao'''. Urang Rao disabuik juo ''Ughang Rawo'' atau ''Rawa'', marupoan istilah nan hanyo ado di [[Malaysia]]. Istilah iko marujuak pado komunitas urang Minang nan tingga di Malaysia Barat. Komunitas iko datang dari [[Rao, Pasaman|Rao Mapat Tunggul]], [[Pasaman]], [[Sumatera Barat]], antaro taun 1773 jo 1848 ka [[Negeri Sembilan]], antaro taun 1857 jo 1863 ka [[Pahang]], antaro 1867 jo 1873 ka [[Selangor]], jo taakhia antaro 1875 jo 1876 ka [[Perak]] jo sabagian ka [[Kelantan]]. Daerah nan tabanyak diuni Ughang Rao adolah [[Gopeng]], [[Perak]]. Bahaso nan dipakai adolah bahaso Minang dialek Rao

==Urang Minangkabau jo Kiprahnyo==
{{utamo|Daftar tokoh Minangkabau}}
[[Berkas:Notable Minangkabau people 2.jpg|thumb|250 px|Dari ateh ka bawah:Barih ateh: [[Adityawarman]], [[Rohana Kudus]], [[Tuanku Imam Bonjol]], [[Rasuna Said]], [[Haji Agus Salim]].{{br}}Barih bawah: [[Sutan Syahrir]], [[Abdul Muis]], [[Mohammad Hatta]], [[Tan Malaka]], [[Chairil Anwar]].]]
Urang Minang tanamo sabagai kalompok nan tapelajar, dek sabab itu pulo mareka manyebar di saluruah Indonesia bahkan manca-nagara dalam babagai macam profesi jo kaahlian, antaro lain sabagai politisi, panulih, ulama, pangaja, jurnalis, jo [[Padagang Minangkabau|padagang]]. Badasakan jumlah populasi nan relatif kaciak (2,7% dari panduduak Indonesia), Minangkabau marupoan salah satu suku tasukses jo banyak pancapaian.<ref name="Kato"/> [[Majalah Tempo]] dalam edisi khusus taun 2000 mancataik baso 6 dari 10 tokoh pantiang Indonesia di abaik ka-20 marupoan urang Minang.<ref>''Majalah Tempo Edisi Khusus Tahun 2000''. Desember 1999.</ref> 3 dari 4 urang pandiri Republik Indonesia adolah putra-putra Minangkabau.<ref>{{cite book|last=Tim Wartawan [[Tempo]]|first=|title=4 Serangkai Pendiri Republik|year=2010|publisher=Kepustakaan Populer Gramedia|location=Jakarta|doi=|pages=|ref=Tempo1}}</ref><ref>Ampek pandiri Republik Indonesia adolah [[Soekarno]], [[Hatta]], [[Sutan Sjahrir]], jo [[Tan Malaka]].</ref>

Kabarasiaan jo kasuksesan urang Minang banyak diraih katiko ado di parantauan. Sajak dulu mareka alah pai marantau ka babagai daerah di [[Jawa]], [[Sulawesi]], [[Malaysia|semenanjung Malaysia]], [[Thailand]], [[Brunei]], hinggo [[Philipina]]. Pado taun 1390, Rajo Bagindo mandirikan [[Kasultanan Sulu]] di Filipina selatan.<ref name="Naim"/> Pado abaik ka-14 urang Minang malakukan migrasi ka [[Nagari Sambilan]], Malaysia jo mangangkek rajo untuak nagari baru tasabuik dari kalangan mareka. Di akhia abaik ka-16 atau awal abaik ka-17, babarapa ulama Minangkabau sarupo [[Tuan Tunggang Parangan]], [[Datuak Ri Bandang|Dato ri Bandang]], [[Datuak Patimang|Dato ri Patimang]], [[Datuak ri Tiro|Dato ri Tiro]], jo [[Datuak Karama|Dato Karama]], manyebarkan Islam di [[Kalimantan]], [[Sulawesi]], jo [[Kapulauan Nusa Tenggara]]. 
 
Kadatangan reformis Muslim nan manuntuik ilmu di [[Kairo]] jo [[Mekkah]] mamangaruahi sistem pandidikan di Minangkabau. Sikolah Islam modern [[Sumatera Thawalib]] jo [[Diniyah Putri]], banyak malahiakan aktivis nan baparan dalam proses kamerdekaan, antaro lain [[Ahmad Rasyid Sutan Mansur|A.R Sutan Mansur]], [[Siradjuddin Abbas]], jo [[Djamaluddin Tamin]].

Pado periode 1920–1960, banyak politisi Indonesia bapangaruah lahia dari ranah Minangkabau. Manjadi salah satu motor pajuangan kamerdekaan Asia, pado taun 1923 [[Tan Malaka]] tapiliah manjadi wakil [[Komunis Internasional]] untuak wilayah Asia Tenggara. Politisi Minang lainnyo [[Muhammad Yamin]], manjadi palopor [[Sumpah Pemuda]] nan mampasatukan saluruh rakyaik [[Hindia-Balando]]. Di dalam [[Volksraad]], politisi asa Minang-lah nan paliang vokal. Mareka antaro lain [[Jahja Datoek Kajo]], [[Agus Salim]], jo Abdul Muis. Tokoh Minang lainnyo [[Mohammad Hatta]], mAnjadi ko-proklamator kamerdekaan Indonesia. Salapeh kamerdekaan, ampek urang Minangkabau duduak sabagai pardano mantari ([[Sutan Syahrir]], Mohammad Hatta, [[Abdul Halim]], [[Muhammad Natsir]]), surang sabagai presiden ([[Assaat]]), surang sabagai wakil presiden (Mohammad Hatta), surang manjadi pimpinan parlemen ([[Chaerul Saleh]]), dan puluahan nan manjadi mantari, di antaro nan cukuik tanamo iolah [[Azwar Anas]], [[Fahmi Idris]], jo [[Emil Salim]]. Emil bahkan manjadi urang Indonesia talamo nan duduak di kamantarian RI. Minangkabau, salah satu dari duo etnis salain etnis [[Suku Jawa|Jawa]], nan salalu punyo wakil dalam satiok kabinet pamarintahan Indonesia. Salain di pamarintahan, pado maso [[Demokrasi liberal]] parlemen Indonesia didominasi dek politisi Minang. Mareka tagabuang kadalam aneka macam partai jo ideologi, islamis, nasionalis, komunis, jo sosialis.

Salain manjabaik gubernur provinsi Sumatera Tangah jo Sumatera Barat, urang Minangkabau juo duduak sabagai gubernur provinsi lain di Indonesia. Mareka adolah [[Datuk Djamin]] ([[Jawa Barat]]), [[Daan Jahja]] ([[Jakarta]]), Muhammad Djosan jo Muhammad Padang ([[Maluku]]), Anwar Datuk Madjo Basa Nan Kuniang jo Moenafri ([[Sulawesi Tengah]]), [[Adenan Kapau Gani]], [[Mohammad Isa]], jo [[Rosihan Arsyad]] ([[Sumatera Selatan]]), Eny Karim ([[Sumatera Utara]]), sarato [[Djamin Datuk Bagindo]] ([[Jambi]]).<ref>{{cite web|url=http://www.posmetropadang.com.+October|title=Budaya Merantau Orang Minang (1) Kalaulah di Bulan Ada Kehidupan|publisher=Pos Metro Padang|date=2008-10-10|accessdate=2011-07-24|ref=Pos Metro Padang}} {{dead link}}</ref>

Babarapo partai politik Indonesia didirian dek politisi Minang. PARI jo [[Partai Murba|Murba]] didirian dek Tan Malaka, [[Partai Sosialis Indonesia]] dek Sutan Sjahrir, PNI Baru dek Mohammad Hatta, [[Masyumi]] dek Mohammad Natsir, [[Perti]] dek [[Syekh Sulaiman ar-Rasully|Sulaiman ar-Rasuli]], jo [[Persatuan Muslim Indonesia|Permi]] dek [[Rasuna Said]]. Salain mandirikan partai politik, politisi Minang juo banyak mangasiakan buku-buku nan manjadi bacoan wajib para aktivis pagerakan.

Panulih Minang banyak mamangaruahi pakambangan bahaso jo [[sastra Indonesia]]. Mareka mangambangkan bahaso malalui babagai macam karya tulih jo kaahlian. [[Marah Rusli]], [[Abdul Muis]], [[Idrus]], [[Hamka]], jo [[A.A Navis]] bakarya malalui panulisan novel. [[Nur Sutan Iskandar]] novelis Minang lainnyo, tacataik sabagai panulis novel Indonesia nan paliang produktif. [[Chairil Anwar]] jo [[Taufik Ismail]] bakarya lewat panulisan puisi. Sarato [[Sutan Takdir Alisjahbana]] jo [[Sutan Muhammad Zain]], duo ahli tata bahaso nan malakukan modernisasi bahaso Indonesia sahinggo dapek manjadi bahaso pasatuan nasional. Novel-novel karya sastrawan Minang sarupo ''[[Sitti Nurbaya]]'', ''[[Salah Asuhan]]'', ''[[Tenggelamnya Kapal Van Der Wijck]]'', ''[[Layar Terkembang]]'', jo ''[[Robohnya Surau Kami]]'' alah manjadi bahan bacoan wajib bagi siswa sakolah di Indonesia jo Malaysia.

Salain malalui karya sastra, pangambangan bahaso Indonesia banyak pulo dilakukan jo jurnalis Minang. Mareka antaro lain [[Adinegoro|Djamaluddin Adinegoro]], [[Rosihan Anwar]], jo [[Ani Idrus]]. Salain [[Abdul Rivai]] nan dijuluaki sabagai Parintih Pers Indonesia, [[Rohana Kudus]] nan manabikkan ''Sunting Melayu'', manjadi wartawan sakaligus pamiliak koran wanita patamo di Indonesia.

Di sampiang manjadi politisi jo panulih, kiprah Urang Minang juo cukuik manonjol di bidang intelektualisme.<ref>{{cite book|last=Azyumardi|first=Azra|title=Membangkik Batang Tarandam, Reinventing Indonesia: Menemukan Kembali Masa Depan Bangsa|publisher=Mizan|year=2008}}</ref> Kabiasoan mareka nan suko bapikia jo manalaah, alah malahiakan babarapo pakar di dunia kadotoran, humaniora, hukum, jo ekonomi, nan kasadonyo mambarikan sumbangan gadang tahadok banso Indonesia. Di antaro mareka nan cukuik dikana adolah [[Ahmad Syafii Maarif]], [[Hazairin]], [[Sjahrir (ekonom)|Syahrir]], [[Taufik Abdullah]], jo [[Azrul Azwar]].

Di Indonesia jo Malaysia, salain urang [[Tionghoa]], urang Minang juo tanamo sabagai pangusaho ulung. Banyak pangusaho Minang sukses babisnis di bidang padagangan tekstil, rumah makan, pahotelan, pendidikan, kauangan, jo kasihaikan. Di antaro figur pangusaho sukses adolah, [[Abdul Latief]] (pamiliak ''ALatief Corporation''), [[Basrizal Koto]] (pamiliak pataranakan jawi tagadang di Asia Tenggara), [[Hasyim Ning]] (pangusaho parakikan oto patamo di Indonesia), dan [[Tunku Tan Sri Abdullah]] (pamiliak ''Melewar Corporation'' Malaysia).

[[Berkas:Tunku abd rahman.jpg|jmpl|150 px|ki|[[Tunku Abdul Rahman]], Bapak Banso Malaysia]]
[[Berkas:Rais Yatim cropped.jpg|jmpl|150 px|ki|[[Rais Yatim]], mantari di Malaysia]]Banyak pulo urang Minang nan sukses di dunia hiburan, baiak sabagai sutradara, produser, panyanyi, maupun artis. Sabagai sutradara jo produser ado [[Usmar Ismail]], [[Asrul Sani]], [[Djamaludin Malik]], dan [[Arizal]]. Arizal bahkan manjadi sutradara dan produser film nan paliang banyak manghasiakan karya. Sakurang-kurangnyo 52 film jo 8 sinetron dalam 1.196 episode alah dihasiakannyo. Pamaran jo panyanyi Minang nan tanamo babarapo di antaronyo adolah [[Afgan Syah Reza]], [[Dorce Gamalama]], [[Marshanda]], [[Eva Arnaz]], jo [[Nirina Zubir]]. Pakarajo seni lainnyo, ratu kuis [[Ani Sumadi]], manjadi palopor dunia pakuisan di Indonesia. Salain mareka, [[Soekarno M. Noer]] basarato putranyo [[Rano Karno]], mungkin manjadi pakarajo hiburan paliang sukses di Indonesia, baiak sabagai aktor maupun sutradara film. Pado taun 1993, ''Karno's Film'' parusahoan film miliak kaluargo Soekarno, mamproduksi film seri jo paringkek tatinggi sapanjang sijarah [[pafilman Indonesia]], ''[[Si Doel Anak Sekolahan]]''.

Di Malaysia jo Singapura, kontribusi urang Minangkabau juo cukuik gadang. Pado taun 1723, [[Abdul Jalil Rahmad Syah I dari Siak|Sultan Abdul Jalil Rahmad Syah I]], duduak sabagai [[sultan Johor]] sabalun akhianyo mandirikan [[Karajaan Siak]] di daratan Riau.<ref>{{cite book|last1=Cave|first1=J.|last2=Nicholl|first2=R|last3=Thomas|first3=P. L.|last4=Effendy|first4=T.|year=1989|title=Syair Perang Siak: A Court Poem Presenting the State Policy of a Minangkabau Malay Royal Family in Exile|publisher=Malaysian Branch of the Royal Asiatic Society}}</ref> Di awal abaik ka-18, Nakhoda Bayan, Nakhoda Intan, dan Nakhoda Kecil manamukan [[Pulau Pinang]].<ref>{{cite web|url=http://www.nst.com.my/opinion/columnist/losing-a-big-part-of-our-heritage-1.35675|title=Losing a Big Part of Our Heritage|accessdate=|work=[[New Straits Times]]|ref=New Straits Times}}</ref> Taun 1773, [[Rajo Melewar]] diutuih [[karajaan Pagaruyuang|Pagaruyuang]] untuak mamimpin rantau [[Negeri Sembilan]]. Baliau juo manyebarkan [[Lareh Bodi Caniago|Adaik Parpatiah]] jo [[Lareh Koto Piliang|Adaik Tumenggung]], nan sampai kini masih balaku di Samananjuang Malaya. Manjalang maso kamerdekaan babarapo politisi Minang mandirikan partai politik. Di antaronyo adolah [[Ahmad Boestamam]] nan mandirikan Parti Rakyat Malaysia jo [[Rashid Maidin]] nan mangikrarkan [[Parti Komunis Malaya]]. Salapeh kamerdekaan [[Tuanku Abdul Rahman]] manjadi [[Yang Dipertuan Agung]] patamo Malaysia, sadangkan [[Rais Yatim]], [[Amirsham Abdul Aziz]], jo [[Abdul Samad Idris]], duduak di kurisi kabinet. Babarapo namo lainnyo nan cukuik bajaso adolah [[Sheikh Muszaphar Shukor]] (astronot patamo Malaysia), [[Syeikh Muhammad Saleh Al-Minankabawi|Muhammad Saleh Al-Minangkabawi]] (kadi basa [[Perak, Malaysia|Karajaan Perak]]), [[Syeikh Tahir Jalaluddin Al-Azhari|Tahir Jalaluddin Al-Azhari]] (ulama takamuko), [[Adnan bin Saidi]] (pajuang kamerdekaan Malaysia), jo [[Abdul Rahim Kajai]] (parintih pers Malaysia). Di Singapura, [[Mohammad Eunos Abdullah]] jo [[Abdul Rahim Ishak]] muncul sabagai politisi Singapura takamuko, [[Yusof bin Ishak]] manjadi presiden patamo Singapura, jo [[Zubir Said]] manciptakan lagu kabansoan Singapura ''Majulah Singapura''.

Babarapo tokoh Minang juo punyo reputasi internasional. Di antaronyo, [[Roestam Effendi]] nan mawakiakan Partai Komunis Balando, jo manjadi urang Hindia patamo nan duduak sabagai anggota parlemen Balando.<ref>{{cite web|url=http://www.tempointeraktif.com/hg/caping/1979/06/02/mbm.19790602.CTP54667.id.html|title=Mengenang Sastrawan Rustam Effendi|work=[[Tempointeraktif|Tempo Interaktif]]|date=1979-06-02|accessdate=2011-07-22|ref=Tempo Interaktif}}</ref> Di [[Arab Saudi]], [[Ahmad Khatib Al-Minangkabawi]], manjadi ciek-cieknyo urang non-[[Suku Arab|Arab]] nan pernah manjabaik imam basa[[Masjidil Haram]], [[Mekkah]]. Mohammad Natsir, salah surang tokoh Islam takamuko, pernah manduduaki posisi presiden Liga Muslim sa-Dunia (''World Moslem Congress'') jo katuo Dewan Musajik sa-Dunia. Samantaro itu [[Azyumardi Azra]], manjadi urang patamo di lua warga nagara [[Nagara-Nagara Pasamakmuran|Persemakmuran]] nan mandapek gala ''[[Sir]]'' dari [[Inggirih|Karajaan Inggirih]].<ref>{{cite web|url=http://news.okezone.com/read/2010/10/08/58/380387/sir-azra-dan-islam-indonesia|title=Sir Azra dan Islam Indonesia|work=[[Okezone.com]]|ref=Okezone.com}}</ref>

==Rujuakan==
===Daftar pustako===
* {{cite book |last=Dobbin |first=Christine |title=Islamic Revivalism in a Changing Peasant Economy: Central Sumatra, 1784–1847 |publisher=Curzon Press |year=1983 |isbn=0-7007-0155-9}}
* {{cite book |last=Frey |first=Katherine Stenger |title=Journey to the land of the earth goddess |publisher=Gramedia Publishing |year=1986}}
* {{cite book| title=Rebellion to Integration: West Sumatra and the Indonesian Polity| last=Kahin| first=Audrey| year=1999| publisher=Amsterdam University Press |isbn=90-5356-395-4}}
* {{cite book |last=Sanday |first=Peggy Reeves |title=Women at the Center: Life in a Modern Matriarchy |publisher=Cornell University Press |year=2004 |isbn=0-8014-8906-7}}
* {{cite book |last=Summerfield |first=Anne |coauthors=Summerfield, John |title=Walk in Splendor: Ceremonial Dress and the Minangkabau |publisher=[[UCLA]] |year=1999 |isbn=0-930741-73-0}}

=== Rujuakan ===
{{Reflist|2}}

== Pautan lua ==
* {{id}} [http://groups.google.com/group/RantauNet RantauNet], milis komunitas Minangkabau nan patamo dan tagadang (sejak 1993).
* {{id}} [http://www.cimbuak.net Cimbuak.net]{{Dead link|date=August 2024 |bot=InternetArchiveBot |fix-attempted=yes }}, komunitas virtual masyarakaik Minangkabau di dunia maya.
* {{id}} [http://www.kaskus.co.id/forumdisplay.php?f=156 Kaskus Regional Minang], komunitas daring masyarakaik Minangkabau di [[Kaskus]].
* {{id}} [http://www.minangforum.com/ MinangForum.Com] {{Webarchive|url=https://web.archive.org/web/20191008074404/http://www.minangforum.com/ |date=2019-10-08 }}, forum komunitas masyarakaik Minangkabau.
{{Commonscat|Minangkabau}}

{{Daftar Suku-Suku Minang}}
{{Suku banso di Indonesia}}
{{Daftar etnik di Malaysia}}
{{Kalompok etnik di Singapura}}

[[Kategori:Minangkabau]]
[[Kategori:Sumatera Barat]]
[[Kategori:Suku banso di Indonesia|Minang]]
[[Kategori:Negeri Sembilan]]